Ruka 1:31 - Rapa Nui

³¹ Nā he tupu taꞌa poki; he poreko poki tane. He nape koe i te ꞌīŋoa ko Ietū.

Ruka 1:31 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Māteo 1:25

ꞌE kai moe hia ararua pa he kenu pa he viꞌe i poreko rō ai te poki ꞌe he nape e Kōsē i te ꞌīŋoa ko Ietū.

Ruka 1:13

He kī e tū merahi era: —E Taharia, ꞌina koe ko riꞌa-riꞌa. Ko ŋaroꞌa ꞌana e te ꞌAtua i taꞌa pure, ꞌe nā he poreko mai roto i taꞌa viꞌe te poki māꞌau. Ki poreko, he nape koe i te ꞌīŋoa ko Iovani.

Ruka 1:27

ꞌI ira e noho era a Māria, he uka e tahi kai noho ꞌā ki te taŋata, ko haꞌamoꞌa-moꞌa ꞌā mo ⌊hāipo-ipo⌋ ararua ko te taŋata te ꞌīŋoa ko ⌊Kōsē⌋ o te hakaara o te ꞌariki era ko ⌊Tāvita⌋.

Ruka 2:21

ꞌI te vaꞌu mahana o te poreko o tū poki era, he maꞌu he haka tāpaꞌo i te tāpaꞌo iŋa ⌊hūrio⌋, he hore i te kiri o te kinoŋa, ꞌe he nape i te ꞌīŋoa o te poki ko Ietū, he ꞌīŋoa kī e te merahi ki a Māria mo nape ꞌi te hora era kai tupu ꞌā te poki.

Ruka 20:44

»Hai kī o Tāvita i te vānaŋa era mo te Kiritō, e ꞌite nei e tātou: te Kiritō taꞌe nō he hakaara o Tāvita.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,