Ruka 1:28 - Rapa Nui

²⁸ I tuꞌu era rā merahi, he uru ki roto i te kona era ꞌi ira a Māria he kī: —ꞌIorana koe, e te vovo here o te ꞌAtua ē. Ararua kōrua ko te ꞌAtua.

Ruka 1:28 ပူးပေါင်းရင်းမြစ်များ

Māteo 12:48

He kī e Ietū: —¿Ko ꞌite ꞌana a kōrua ko ai te nuꞌu he matuꞌa vahine ꞌe he taina takoꞌa ōꞌoku?

Ruka 1:27

ꞌI ira e noho era a Māria, he uka e tahi kai noho ꞌā ki te taŋata, ko haꞌamoꞌa-moꞌa ꞌā mo ⌊hāipo-ipo⌋ ararua ko te taŋata te ꞌīŋoa ko ⌊Kōsē⌋ o te hakaara o te ꞌariki era ko ⌊Tāvita⌋.

Ruka 1:29

He māere a Māria ꞌi tū vānaŋa era ꞌe he ꞌui ki a ia ꞌā: «¿He aha hō te auraꞌa o te vānaŋa era?».

Ruka 1:30

He kī e tū merahi era: —E Māria, ꞌina koe ko riꞌa-riꞌa. ꞌI ruŋa i a koe te koa o te ꞌAtua.

Ruka 1:42

ꞌO ira i haka pūai te reꞌo i kī ai: —¡E Māria, ꞌata haꞌamaitai koe e te ꞌAtua ki te taꞌatoꞌa ŋā viꞌe, ꞌe ko haꞌamaitai takoꞌa ꞌana i taꞌa poki!

Aŋa o te ꞌĀpōtoro 18:10

ꞌĪ, paꞌi, a au ꞌi muri i a koe, ꞌe ꞌina e tahi kope mo tōtōā atu. Nuꞌu rahi, paꞌi, te nuꞌu o nei i haꞌataꞌa e au māꞌaku».

Ēfeto 1:6

ꞌO ira, ki haꞌahana-hana ki te ꞌAtua ꞌi tōꞌona riva rahi haka takeꞌa mai ꞌo te ai o tātou ꞌa Ietū Kiritō, he Poki haŋa rahi ꞌāꞌana.