Ruka 1:17 - Rapa Nui

¹⁷ E oho rō ꞌi muꞌa i te ⌊Kiritō⌋ hai haŋu ꞌe hai pūai tuꞌu pa he haŋu ꞌe pa he pūai o te perofeta era ko ꞌĒria, mo haka hoki o te haŋa o te matuꞌa ki tāꞌana poki ꞌe o te poki ki tōꞌona matuꞌa, ꞌe mo ꞌite o te nuꞌu taꞌe haka roŋo mo haꞌatura. Pē ira ka haka riva-riva ena i te taŋata mo te tuꞌu iŋa mai o te Kiritō.

Ruka 1:17 ပူးပေါင်းရင်းမြစ်များ

Māteo 11:14

ꞌE te parautiꞌa, a Iovani ko te perofeta era ko ⌊ꞌĒria⌋ mo tuꞌu mai ꞌi raꞌe ki te Kiritō.

Māteo 14:4

ꞌo te rava ture e Iovani pē nei ē: «Ko hape ꞌā a koe i toꞌo ai i a ꞌEroria mo viꞌe ꞌāꞌau».

Māteo 3:3

Te perofeta era ko ꞌItaia i vānaŋa rō o ruŋa i a Iovani ꞌi te hora kī pē nei ē: «E tahi reꞌo e ohu ꞌana ꞌi te kona ꞌone taꞌe noho taŋata: “Ka haka riva-riva te ara mo te Kiritō; ka mātaki e tahi ara tī-tika”».

Māteo 3:4

Te kahu uru o Iovani hai huru-huru kameio i aŋa ai, ꞌe hai pena kiri e here era; e kai era hai meꞌe tuꞌu pa he pereteꞌi ꞌe hai meri ravaꞌa o ruŋa o te maꞌuŋa.

Ruka 1:16

»E rahi rō te itaraera ka haka huri ena e ia i te manaꞌu ki a Iehoha, ki te ꞌAtua.

Ruka 1:76

He vānaŋa ia a Taharia ki tāꞌana poki: «E haŋu ꞌāꞌaku ē, e kī rō i a koe he perofeta o te ꞌAtua, ꞌo te ai māꞌau e haka riva-riva i te ara o te Kiritō

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 1:34

Ko takeꞌa ꞌana e au i rā meꞌe, ꞌe ko au te mataꞌite: a ia he Poki o te ꞌAtua».

Iovani 3:28

Ko ŋaroꞌa ꞌana e kōrua i tōꞌoku kī iŋa taꞌe a au he ⌊Kiritō⌋, he taŋata nō au e tahi uŋa mai ꞌi muꞌa i a ia.

Aŋa o te ꞌĀpōtoro 10:33

»ꞌO ira a au i uŋa atu ai ꞌi rā hora mau ꞌā mo oho mai ōꞌou, ꞌe he riva ōꞌou, a koe i oho mai ena. ꞌĪ tātou taꞌatoꞌa ꞌi te hora nei ꞌi muꞌa i te ꞌAtua, ꞌe e haŋa rō ꞌā a mātou mo haka roŋo atu i te meꞌe taꞌatoꞌa kī atu e ia mo haka ꞌite mai e koe ki a mātou.

Rōmano 9:23

I haŋa takoꞌa rō mo haka takeꞌa i te nui-nui o tōꞌona riva rahi ꞌi ruŋa i a tātou, he nuꞌu e haka ꞌaroha rō ꞌana e ia. ꞌE, ko haka riva-riva era ꞌā e te ꞌAtua mo ai o tātou pe muꞌa ka oho ena ꞌi roto i tōꞌona nui-nui, te auraꞌa, mo ai takoꞌa i a tātou te huru riva ōꞌona.

Kōrosa 1:12

koia ko māuru-uru ki te ꞌAtua Matuꞌa ꞌo te haka riro atu i a kōrua he nuꞌu tano mo ravaꞌa takoꞌa i te meꞌe hōrea era e ia mo te nuꞌu haꞌataꞌa māꞌana, he nuꞌu o tōꞌona haka tere iŋa, haka tere iŋa o te māꞌeha.

2 Timoteo 2:21

Te kope haka tapa i a ia mai roto i te meꞌe taꞌe tano pa he ŋā meꞌe piru era ꞌā, meꞌe haꞌataꞌa mo te meꞌe riva-riva haŋa e te ꞌAtua mo aŋa.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.