Rōmano 9:7 - Rapa Nui

⁷ ꞌE taꞌe taꞌatoꞌa hakaara o ꞌAparahama he ŋā poki parautiꞌa ꞌāꞌana ki te mata o te ꞌAtua. Ko kī era ꞌana, paꞌi, e ia: «Te hakaara parautiꞌa ōꞌou mai i a Itaꞌata ka eꞌa ena».

Rōmano 9:7 ပူးပေါင်းရင်းမြစ်များ

Māteo 3:9

ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Ruka 16:30

»He pāhono e tū ꞌono era: “E ko tano pē ira, e koro ē. Mo oho e tahi taŋata e ora haka ꞌou mai te mate mo vānaŋa ki a rāua, he haka roŋo ꞌe he ⌊huri te manaꞌu ki te ꞌAtua⌋”.

Ruka 3:8

Ka haka tī-tika te kōrua noho iŋa ki takeꞌa riva-riva ai he parautiꞌa mau ꞌā ko ⌊huri ꞌana te kōrua manaꞌu ki te ꞌAtua⌋. ꞌE, e uꞌi ꞌo kī rō ꞌi roto i a kōrua ꞌā pē nei ē: “¡A mātou he hakaara o ⌊ꞌAparahama⌋; ꞌo ira e tano rō ꞌā a mātou ki te mata o te ꞌAtua!”. ꞌĪ a au he kī atu: te ꞌAtua e tano nō mo haka riro i te ŋā māꞌea nei he hakaara o ꞌAparahama.

Iovani 8:33

He pāhono e rā nuꞌu: —A mātou he hakaara o ⌊ꞌAparahama⌋, ꞌe ꞌina mātou kai ai ꞌā he ꞌekaravo. ¿Pē hē ia koe e kī mai ena he eꞌa a mātou mai te rima o te kope haka ꞌekaravo i a mātou?

Karatia 4:23

Te poki poreko era mai roto i te viꞌe ꞌekaravo hai manaꞌu taŋata nō i poreko ai. ꞌE te poki poreko era mai tāꞌana viꞌe e haka tano ꞌana i te hōrea aŋa e te ꞌAtua ki a ꞌAparahama.

Karatia 4:28

A Itaꞌata, poki era ꞌa ꞌAparahama, i poreko ai ꞌo te haka moe o ꞌAparahama i tōꞌona manaꞌu ꞌi ruŋa i te meꞌe hōrea e te ꞌAtua ki a ia. Pē ira ꞌana a tātou, e te taina ē. He haka moe o tātou i te manaꞌu ꞌi ruŋa i tāꞌana meꞌe hōrea mai e ai nei a tātou he ŋā poki o te ꞌAtua.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

ꞌEvereo 11:18

«Hai Itaꞌata ka ai ena tuꞌu hakaara».