Rōmano 9:6 - Rapa Nui

⁶ Ka ai atu meꞌe rahi nō atu nuꞌu ⌊hūrio⌋ i taꞌe haŋa ki te Kiritō, e ko tano a tātou mo kī ꞌina kai haka tano te ꞌAtua i te hōrea kī era ki a rāua. Tāꞌaku kī: taꞌe taꞌatoꞌa hakaara o Itaraera, te auraꞌa, o Hākovo, he itaraera parautiꞌa.

Rōmano 9:6 ပူးပေါင်းရင်းမြစ်များ

Māteo 24:35

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Iovani 1:47

I uꞌi era e Ietū ka hāhine mai a Natanaera, he kī: —ꞌĪ mau te kope he itaraera parautiꞌa, e ko kī e tahi reo-reo.

Iovani 10:35

ꞌE a tātou ko ꞌite riva-riva ꞌana ꞌina e tahi meꞌe o ruŋa i te Pāpaꞌi Moꞌa mo haka kore. ꞌE mo ai i kī rō te ꞌAtua ki rā nuꞌu pē ira,

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

Rōmano 9:4

A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

Karatia 6:16

Ka ai te haumārū ꞌe te riva rahi o te ꞌAtua ꞌi ruŋa i te nuꞌu taꞌatoꞌa haka tere i a rāua hai meꞌe kī atu ena e au; a rāua he itaraera parautiꞌa o te ꞌAtua, te auraꞌa, he nuꞌu haꞌataꞌa e te ꞌAtua māꞌana.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

2 Timoteo 2:13

Ka taꞌe aŋa atu a tātou i te tātou meꞌe kī, ko te aŋa iŋa ꞌana a ia i tāꞌana meꞌe kī; e ko aŋa, paꞌi, a ia e tahi meꞌe ꞌina he tano ki tōꞌona huru.