Rōmano 9:4 - Rapa Nui

⁴ A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

Rōmano 9:4 ပူးပေါင်းရင်းမြစ်များ

Māteo 21:33

»Ka haka roŋo mai te ꞌaꞌamu haꞌaauraꞌa haka ꞌou nei: He taŋata e tahi, e ai rō ꞌana tōꞌona henua nui-nui. He ꞌoka i te vino, he puru hai ꞌāua, he aŋa i te kona mo aŋa o te ꞌava, ꞌe he haka tuꞌu i te kona ruŋa nui mo ꞌauario. I oti era he haꞌaꞌau ananake ko te nuꞌu ꞌoka kai mo aŋa e rā nuꞌu i rā henua ꞌe mo ꞌauhau ki a ia i te ꞌapa vino tano māꞌana mo te hoa henua. He haka rē ia ki rā nuꞌu, ꞌe he eꞌa he oho rō ꞌai.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 1:47

I uꞌi era e Ietū ka hāhine mai a Natanaera, he kī: —ꞌĪ mau te kope he itaraera parautiꞌa, e ko kī e tahi reo-reo.

Aŋa o te ꞌĀpōtoro 2:39

Te hōrea era o ruŋa o te Vārua Maitai mo kōrua, mo te kōrua ŋā poki, ꞌe mo te nuꞌu e roa rō ꞌana, te auraꞌa, mo te nuꞌu taꞌatoꞌa kī e te ꞌAtua mo oho ki a ia.

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

Rōmano 9:6

Ka ai atu meꞌe rahi nō atu nuꞌu ⌊hūrio⌋ i taꞌe haŋa ki te Kiritō, e ko tano a tātou mo kī ꞌina kai haka tano te ꞌAtua i te hōrea kī era ki a rāua. Tāꞌaku kī: taꞌe taꞌatoꞌa hakaara o Itaraera, te auraꞌa, o Hākovo, he itaraera parautiꞌa.

2 Kōrinto 11:22

¿He ⌊ꞌevereo⌋ a rāua? Pē ira takoꞌa ꞌana a au. ¿He itaraera a rāua? Pē ira ꞌana a au. ¿He hakaara a rāua o ⌊ꞌAparahama⌋? Pē ira takoꞌa ꞌana a au.

Karatia 3:16

Pē ira takoꞌa te hōrea nei o te ꞌAtua, hōrea kī e te ꞌAtua ki a ꞌAparahama ꞌe ki tōꞌona hakaara. ꞌE te vānaŋa kī era e te ꞌAtua ki a ꞌAparahama «he hakaara», taꞌe mo te hakaara taꞌatoꞌa o ꞌAparahama, mo te hakaara mau nō era ōꞌona ko Ietū.

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.

ꞌEvereo 9:1

ꞌI te haka tere iŋa raꞌe era o te ꞌAtua ananake ko te itaraera e ai rō ꞌā te rāua meꞌe mo aŋa mo haꞌamuri ki a ia ꞌi roto i te ⌊Karapā Moꞌa⌋ aŋa era e rāua.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

ꞌEvereo 9:3

Te oꞌo iŋa ki te piha nei e puru rō ꞌā hai korotina. E ai takoꞌa rō ꞌana te rua korotina puru i te rua piha e kī era he ⌊Kona ꞌAta Moꞌa⌋.

ꞌEvereo 9:5

ꞌI ruŋa i rā ꞌavahata e rua meꞌe tuꞌu pa he merahi e haka roa-roa rō ꞌā te karā a ruŋa i te puꞌa, he tāpaꞌo pē nei ē: ꞌai ira te ꞌAtua. O ruŋa i te ŋā meꞌe nei o roto o te karapā he oti ꞌā tāꞌaku meꞌe mo kī atu.

ꞌEvereo 9:6

Te Karapā Moꞌa nei pē ira koia ko tōꞌona meꞌe taꞌatoꞌa o roto. Paurō te mahana e uru era te oromatuꞌa ki te piha raꞌe era, he Kona Moꞌa, ki te rāua aŋa.