Rōmano 9:31 - Rapa Nui

³¹ ꞌE te nuꞌu hūrio uꞌi i te rāveꞌa mo tano o rāua ki te mata o te ꞌAtua hai haꞌatura ki te haka tere iŋa ꞌa Mōtē, ꞌina kai ravaꞌa i rā meꞌe.

Rōmano 9:31 ပူးပေါင်းရင်းမြစ်များ

Rōmano 10:20

I pāpaꞌi takoꞌa rō e te perofeta era ko ꞌItaia pē nei ē: «Te nuꞌu taꞌe kimi mai, i ravaꞌa rō i a au; ꞌe te nuꞌu taꞌe ꞌui o ruŋa ōꞌoku, ki a rāua a au i haka takeꞌa ai i a au».

Rōmano 11:7

¿He aha ia te auraꞌa o te meꞌe taꞌatoꞌa nei? Te auraꞌa: te rahi raꞌa o te itaraera ꞌina kai ravaꞌa i te rāua meꞌe kimi: he tano o rāua ki te mata o te ꞌAtua. O te nuꞌu itaraera haꞌataꞌa e te ꞌAtua māꞌana i ravaꞌa. ꞌE tū rahi raꞌa era o te itaraera ko haka hio-hio ꞌā e te ꞌAtua i te rāua manaꞌu.

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Rōmano 3:27

Mo ai ia pē ira, ¿e riva rō tātou mo teꞌo-teꞌo ꞌi muꞌa o te ꞌAtua o ruŋa i te tātou meꞌe aŋa? ꞌIna. ¿ꞌO te aha? ꞌO te ai hai haka moe nō o tātou i te manaꞌu ꞌi ruŋa i a Ietū te ꞌAtua e kī ena e tano rō ꞌana tātou ki tōꞌona mata, taꞌe ꞌō hai haꞌatura ki te haka tere iŋa ꞌa Mōtē.

Karatia 3:21

¿Te kī hō, te haka tere iŋa ꞌa Mōtē e taꞌe haka hauhaꞌa rō ꞌā ꞌi te hōrea o te ꞌAtua? Taꞌe pē ira. Mo te meꞌe kē, mo te meꞌe kē i vaꞌai mai ai i te ŋā meꞌe nei. ꞌE, mo ai ko vaꞌai mai ꞌā e te ꞌAtua i te haka tere iŋa ꞌa Mōtē mo ravaꞌa e tātou i te ora ꞌāpī ꞌina he hopeꞌa raꞌa, he tano ia a tātou ki tōꞌona mata ꞌo te haꞌatura ki rā haka tere iŋa.

Fīripo 3:6

ki te roa, ꞌina e tahi nuꞌu mo kī e hape rō ꞌana a au, ꞌe ꞌātā he kimi nō tāꞌaku aŋa i te nuꞌu ⌊haka moe i te manaꞌu⌋ ꞌi ruŋa i a Ietū mo tōtōā.