Rōmano 9:3 - Rapa Nui

³ mo tōꞌoku taina he itaraera. ꞌĀhani hai vaꞌai ōꞌoku i a au mo haka ūtuꞌa e te ꞌAtua, ꞌe hai haꞌataꞌa ōꞌoku i a au mai te ⌊Kiritō⌋ he riva a au mo hāꞌūꞌū ki a rāua mo ⌊haka moe i te manaꞌu⌋ ꞌi ruŋa i a Ietū, ko meꞌe era ꞌana e au.

Rōmano 9:3 ပူးပေါင်းရင်းမြစ်များ

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Aŋa o te ꞌĀpōtoro 22:5

He ⌊oromatuꞌa hopeꞌa o te ra-rahi⌋ ꞌe he nuꞌu pūꞌoko haka tere hūrio taꞌatoꞌa te mataꞌite o te ŋā meꞌe nei. O rāua, paꞌi, i vaꞌai mai i te parau mo te hūrio ra-rahi o Rāmako ꞌi ruŋa e pāpaꞌi era ko haꞌatiꞌa ꞌā i a au mo aŋa i rā meꞌe. I oho rō a au ki ira kimi i te nuꞌu ⌊haka moe i te manaꞌu⌋ ꞌi ruŋa i a Ietū mo maꞌu mai ki nei ki Hērutarema mo haka ūtuꞌa.

Aŋa o te ꞌĀpōtoro 28:21

He kī e tū nuꞌu era: —ꞌIna e tahi parau i tuꞌu mai mai Hūrea o ruŋa ōꞌou, ꞌe ꞌina e tahi taina hūrio tuꞌu mai mai ira i kī mai e tahi vānaŋa taꞌe tano o ruŋa i a koe.

Rōmano 1:3

Te roŋo riva-riva nei o ruŋa o tāꞌana Poki ko Ietū Kiritō, he Pūꞌoko Haka Tere o tātou. I poreko ai mai te hakaara o ⌊Tāvita⌋, ꞌe hai ora iŋa haka ꞌou ōꞌona mai te mate, i haka aŋi-aŋi ai e te ⌊Vārua Maitai⌋ ki te taŋata: he Poki o te ꞌAtua ꞌe i a ia te pūai.

Rōmano 11:1

He ꞌui haka ꞌou nei: ¿Ko hārui ꞌana hō te ꞌAtua i te itaraera hai tuaꞌivi? ꞌIna. A au mau nei ꞌā, paꞌi, he itaraera, he hakaara o ⌊ꞌAparahama⌋ o te mata o ⌊Mēhāmina⌋.

Rōmano 11:14

he haŋa ōꞌoku mo haka mākota i tōꞌoku taŋata koiꞌite pē ira tētahi o rāua ana haka moe i te manaꞌu ꞌi ruŋa i a Ietū mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 16:11

E ꞌaroha ki a Erotione, hūrio takoꞌa pē au, ꞌe ki te nuꞌu o te huaꞌai o Naratito haka moe i te manaꞌu ꞌi ruŋa i a Ietū.

Rōmano 16:21

ꞌĪ e ꞌaroha atu ena a Timoteo, hokorua aŋa ōꞌoku, pē ira takoꞌa ꞌana tōꞌoku hau a Rūtio, a Hātō, ꞌe a Tōtipataro.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 9:2

ka pō ka ꞌōtea e maꞌu nei a au i te māui-ui ꞌi roto i tōꞌoku māhatu

1 Kōrinto 12:3

ꞌO ira e haŋa ꞌana a au mo ꞌite o kōrua: ꞌina e tahi kope haka tere e te Vārua Maitai tohu i a Ietū, ꞌe ꞌina e tahi kope taꞌe o te Vārua Maitai te haka tere kī: a Ietū he Pūꞌoko Haka Tere ōꞌona.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

Karatia 1:8

ꞌĪ a au he kī atu: ka ai atu ko mātou mau nei ꞌā ꞌo he merahi e tahi o te raŋi hāpī atu i te rua meꞌe, taꞌe he roŋo riva-riva hāpī atu era e mātou ꞌi muꞌa ꞌā, ka topa ꞌi ruŋa te ūtuꞌa o te ꞌAtua.

Karatia 1:9

Ko kī atu era ꞌā e mātou i te meꞌe nei ꞌe ꞌī e au he kī haka ꞌou atu: mo ai o te kope haka ꞌite atu i te rua roŋo, taꞌe he roŋo riva-riva hāpī atu era e mātou, ka topa ꞌi ruŋa i a ia te ūtuꞌa o te ꞌAtua.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Ēfeto 6:5

E te ꞌekaravo, e haꞌatura ki te nuꞌu haka aŋa atu i a kōrua hai moꞌa ꞌe hai māhatu pa he meꞌe: e tāvini ꞌana a kōrua ki a Ietū.