Rōmano 8:9 - Rapa Nui

⁹ ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

Rōmano 8:9 ပူးပေါင်းရင်းမြစ်များ

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Iovani 3:6

Te meꞌe poreko mai roto i te taŋata he taŋata mau ꞌā, ꞌe te meꞌe poreko hai pūai o te Vārua Maitai he poki o te ꞌAtua.

Aŋa o te ꞌĀpōtoro 16:7

ꞌe he tuꞌu ki te tītaꞌa henua o Mītia. Mai ira i manaꞌu ai mo oho ki te ŋā kona era o Vītīnia, ꞌe ꞌina kai haꞌatiꞌa takoꞌa e te Vārua Maitai.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

1 Kōrinto 6:17

ꞌIna ko rehu, te kope o te Kiritō e tahi mau nō vārua ararua.

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

2 Kōrinto 6:16

ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

Karatia 4:6

ꞌE, ko ꞌite ꞌana a tātou he ŋā poki parautiꞌa tātou o te ꞌAtua ꞌo te ai ko uŋa mai ꞌā i te ⌊Vārua Maitai⌋ o tāꞌana Poki ki roto i te tātou māhatu; ꞌe hai ia e tano nei a tātou mo kī ki te ꞌAtua ꞌi te hora e pure nei tātou: «E koro ōꞌoku ē».

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 1:13

ꞌE a kōrua, te nuꞌu taꞌe he hūrio, i ŋaroꞌa era i te parautiꞌa, he ⌊roŋo riva-riva o te ꞌAtua⌋ o ruŋa i te rāveꞌa pē hē ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa, he haka moe rō ꞌai kōrua i te manaꞌu ꞌi ruŋa i a Ietū, ꞌe he tāpaꞌo rō atu ꞌai e te ꞌAtua i a kōrua pa he nuꞌu ꞌāꞌana hai vaꞌai atu i te ⌊Vārua Maitai⌋, pa he meꞌe hōrea e ia.

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Fīripo 1:19

ꞌi te ꞌite ōꞌoku: māuru-uru ki te kōrua pure ꞌe ki te hāꞌūꞌū o te ⌊Vārua Maitai⌋ vaꞌai mai e Ietū Kiritō te meꞌe taꞌatoꞌa topa mai ki a au mo tōꞌoku riva-riva.

2 Timoteo 1:14

E Timoteo, hai hāꞌūꞌū o te Vārua Maitai noho ꞌi roto i a tātou, ka hāpaꞌo i te hāpī parautiꞌa vaꞌai atu era mo haka ꞌite ki te nuꞌu.

1 Pētero 1:11

Te meꞌe o rāua i haŋa mo aŋi-aŋi o rā roŋo: a hē ꞌe pē hē ka tano te meꞌe kī era ki a rāua e te Vārua o te ⌊Kiritō⌋ pē nei ē: e topa rō te ꞌati ꞌi ruŋa i te Kiritō ꞌe ki oti he haka nui-nui.

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.

1 Iovani 4:13

Te meꞌe haka ꞌite mai he parautiꞌa mau ꞌana ananake tātou ko te ꞌAtua ko te meꞌe nei: ko vaꞌai mai ꞌana e ia i tōꞌona Vārua.

1 Iovani 4:4

E ŋā poki, o te ꞌAtua a kōrua, ꞌe ko rē ꞌana ki te ŋā haꞌavare era ꞌo te ai te Vārua ena i a kōrua ꞌata pūai ki te vārua o te ao nei.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.