Rōmano 8:8 - Rapa Nui

⁸ Te nuꞌu haka tere i a rāua hai manaꞌu taŋata e ko ravaꞌa, ki te hora hopeꞌa, mo haka koa i te ꞌAtua.

Rōmano 8:8 ပူးပေါင်းရင်းမြစ်များ

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 8:29

Ararua māua ko te kope uŋa mai i a au; ꞌina a ia he haka rē i a au hoko tahi nō ꞌo te ai te meꞌe aŋa mau nō ꞌāꞌaku he meꞌe haŋa ꞌāꞌana.

Rōmano 1:21

A rāua ko ꞌite ꞌana ko ai te ꞌAtua ꞌe, ka ai atu pē ira, ꞌina he moꞌa ꞌe ꞌina he māuru-uru. Te meꞌe manaꞌu nō he meꞌe maꞌa-maꞌa ꞌe, ꞌi te taꞌe haŋa mo haka topa riva-riva i te manaꞌu, ꞌina he aŋi-aŋi haka ꞌou i te parautiꞌa.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

1 Kōrinto 7:32

Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 3:20

E te ŋā poki, e haꞌatura ki te kōrua matuꞌa i te meꞌe taꞌatoꞌa, he meꞌe koa o te ꞌAtua.

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

1 Iovani 3:22

ꞌe he vaꞌai mai e ia i te taꞌatoꞌa meꞌe o tātou mo no-noꞌi ꞌo te ai e haꞌatura rō ꞌana a tātou ki tāꞌana roŋo ꞌe e aŋa rō ꞌā i tāꞌana meꞌe haŋa.