Rōmano 8:4 - Rapa Nui

⁴ I aŋa ai i te meꞌe nei ki tano ai a tātou, te nuꞌu taꞌe haka tere haka ꞌou hai manaꞌu taŋata, haka tere hai Vārua Maitai, mo haꞌatura ki te meꞌe kī ꞌi ruŋa i te haka tere iŋa ꞌa Mōtē.

Rōmano 8:4 ပူးပေါင်းရင်းမြစ်များ

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Rōmano 2:26

Te kope taꞌe he hūrio haꞌatura ki te haka tere iŋa ꞌa Mōtē pa he taŋata ko hore ꞌā te kiri o te kinoŋa ka ai atu ꞌina kai hore.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

2 Kōrinto 10:2

Ka uꞌi ka haka tī-tika rō ꞌai te ŋā nuꞌu ena, nuꞌu manaꞌu: a mātou e haka tere nei hai manaꞌu taŋata mau nō, ꞌo tuꞌu atu au, he ture atu ki a kōrua ananake ko nā ŋā nuꞌu.

2 Kōrinto 10:3

Ka ai atu a mātou he taŋata noho ꞌi te ao nei, taꞌe pa he taŋata o te ao nei e moto nei.

Karatia 5:16

ꞌO ira, ꞌī a au he kī atu: e haka rē mo haka tere atu i a kōrua e te Vārua Maitai, ꞌo aŋa i te meꞌe taꞌe tano pohe nō e te hakari.

Kōrosa 1:22

ꞌE hora nei, te ꞌAtua ko haka riva-riva haka ꞌou ꞌana i a kōrua ki a ia hai mate iŋa era o Ietū Kiritō pa he taŋata. Te meꞌe nei i aŋa ai ki tuꞌu ai a kōrua ki muꞌa o te ꞌAtua e maꞌitaki rō ꞌā ꞌina e tahi hara, ꞌe ꞌina e tahi hape mo tuhi atu.

ꞌEvereo 12:23

ꞌe te nuꞌu taꞌatoꞌa haka moe i te manaꞌu ꞌi ruŋa i a Ietū, nuꞌu i a rāua te tōroꞌa o te ŋā poki ꞌatariki ꞌe te rāua ꞌīŋoa ko pāpaꞌi ꞌana ꞌi ruŋa i te raŋi, ꞌe he kona ꞌi ira a tātou e piri nei ki te ꞌAtua, kope ꞌāꞌana te ture i te taꞌatoꞌa; ki te vārua o te nuꞌu mā-mate ko haka tano ko oti ꞌā ki te mata o te ꞌAtua;

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.

Meꞌe Haka Takeꞌa 14:5

Te nuꞌu nei nuꞌu taꞌe reo-reo ꞌe nuꞌu ꞌina rāua hape.