Rōmano 8:29 - Rapa Nui

²⁹ Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

Rōmano 8:29 ပူးပေါင်းရင်းမြစ်များ

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 28:10

He kī e Ietū: «ꞌIna kōrua ko riꞌa-riꞌa. Ka oho ka kī ki tōꞌoku ŋā taina era: “Ka oho ki Karirea; ꞌi ira a mātou ana piri”».

Māteo 7:23

ꞌI rā hora ka pāhono ena e au: “Kai māhani a au i a kōrua. ¡Ka haka tapa mai muri i a au, e te nuꞌu aŋa i te meꞌe taꞌe tano ē!”.

Iovani 17:16

A rāua taꞌe o te nuꞌu o te ao nei taꞌe haka moe i te manaꞌu ꞌi ruŋa i a au, pa he taꞌe ai iŋa takoꞌa nei ōꞌoku o rā nuꞌu.

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Rōmano 11:2

Te parautiꞌa, ꞌina te ꞌAtua kai hārui tahi i te itaraera, he nuꞌu haꞌataꞌa e ia māꞌana mai muꞌa ꞌā, hai tuaꞌivi. Ka haka topa rā te kōrua manaꞌu ki te meꞌe ena e hāꞌaki ena ꞌi ruŋa i te ⌊Pāpaꞌi Moꞌa⌋ o ruŋa i te perofeta era ko ꞌĒria. ꞌI tōꞌona hora pure ki te ꞌAtua i horo ai i tāꞌana ture mo tōꞌona taŋata he itaraera pē nei ē:

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Rōmano 9:23

I haŋa takoꞌa rō mo haka takeꞌa i te nui-nui o tōꞌona riva rahi ꞌi ruŋa i a tātou, he nuꞌu e haka ꞌaroha rō ꞌana e ia. ꞌE, ko haka riva-riva era ꞌā e te ꞌAtua mo ai o tātou pe muꞌa ka oho ena ꞌi roto i tōꞌona nui-nui, te auraꞌa, mo ai takoꞌa i a tātou te huru riva ōꞌona.

1 Kōrinto 15:49

ꞌE pa he tuꞌu iŋa nei o tātou pa he taŋata aŋa era hai ꞌōꞌone, pē ira takoꞌa ꞌana ka tuꞌu ena a tātou pa he kope era o te raŋi.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 8:3

ꞌE te kope kī e te ꞌAtua ꞌāꞌana, he kope haŋa rahi ki a ia.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 4:24

Te meꞌe mo takeꞌa ꞌi ruŋa i a kōrua he huru ꞌe he noho iŋa ꞌāpī tano ki te huru ꞌāpī vaꞌai atu e te ꞌAtua, pa he huru mau era ꞌā ōꞌona. Te noho iŋa nei he noho iŋa tī-tika, tano ki te mata o te ꞌAtua, ꞌina e tahi hape.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

Kōrosa 3:10

Te ꞌAtua ko vaꞌai atu ꞌana i te huru ꞌāpī, ꞌe ꞌāꞌana te aŋa te oho atu ꞌi roto i te kōrua māhatu mo riro o kōrua pē ia, ki ꞌata māhani ai kōrua i a ia.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 1:20

ꞌI te hora kai aŋa hia ꞌā i te ao, i haꞌataꞌa rō ai e te ꞌAtua i te Kiritō mo te meꞌe nei; ꞌe ꞌi te ŋā hora hopeꞌa nei, i tuꞌu mai ai mo te riva-riva o kōrua.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.