Rōmano 8:28 - Rapa Nui

²⁸ Ko ꞌite ꞌana a tātou pē nei ē: te ꞌAtua e haka tano tahi rō ꞌana i te meꞌe mo te riva-riva o te nuꞌu haŋa ki a ia, nuꞌu haꞌataꞌa e te ꞌAtua tano ki te meꞌe haŋa e ia mo rāua.

Rōmano 8:28 ပူးပေါင်းရင်းမြစ်များ

Marko 12:30

ꞌO ira, e haŋa koe ki tuꞌu ꞌAtua hai haŋu taꞌatoꞌa o tuꞌu māhatu, o tuꞌu vārua, o tuꞌu manaꞌu ꞌe o tuꞌu pūai».

Aŋa o te ꞌĀpōtoro 13:48

I ŋaroꞌa era i te meꞌe nei e te nuꞌu taꞌe he hūrio, he koa rō atu ꞌai ꞌe he haꞌamata he kī: te vānaŋa o te ꞌAtua vānaŋa riva-riva. ꞌE o roto i rā nuꞌu he haka moe i te manaꞌu ꞌi ruŋa i a Ietū te nuꞌu taꞌatoꞌa ko haꞌataꞌa era ꞌā e te ꞌAtua mo ravaꞌa i te ora ꞌāpī ꞌina he hopeꞌa raꞌa.

Rōmano 11:29

Te ꞌAtua ꞌina he hiko i tāꞌana meꞌe vaꞌai, ꞌe ꞌina he haka rehu i te nuꞌu haꞌataꞌa e ia māꞌana.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

Rōmano 9:11

ꞌE, ꞌi te hora kai poreko ꞌana rā ŋā poki ꞌe kai aŋa ꞌā i te meꞌe tano ꞌe i te meꞌe taꞌe tano, i haka ꞌite rō ai e te ꞌAtua ki a Rēveka pē nei ē: «Te ꞌatariki e tāvini rō ki te haŋupotu», he haka tano iŋa ki te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «I haŋa rahi rō a au ki a ⌊Hākovo⌋ ꞌe i taꞌe haŋa rō a au ki a ⌊Etaū⌋». Hai meꞌe nei e ꞌite nei e tātou e ai rō ꞌana te parau o te ꞌAtua mo haꞌataꞌa i te taŋata māꞌana tano ki tāꞌana meꞌe manaꞌu mo aŋa ꞌe ꞌina he tapa atu i te meꞌe aŋa e rāua.

1 Kōrinto 1:24

ꞌE mo te nuꞌu haꞌataꞌa e te ꞌAtua māꞌana, ka hūrio ꞌe ka taꞌe hūrio, he haka takeꞌa iŋa o te ꞌAtua i tōꞌona pūai ꞌe i tōꞌona mārama-rama.

1 Kōrinto 1:9

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

2 Kōrinto 5:1

Te hakari pa he hare ꞌā, ꞌe e ꞌite rō ꞌā e tātou, hora era mo marere, te auraꞌa, hora era mo mate, e ai rō ꞌā te hare ꞌāpī e tahi ꞌi te raŋi aŋa e te ꞌAtua mo tātou, he hakari e ko mate ki te hora hopeꞌa.

Karatia 1:15

ꞌE, ka ai atu i tute rō a au mo tōtōā i te nuꞌu haka moe i te manaꞌu ꞌi ruŋa i a Ietū, te ꞌAtua, kai poreko hia ꞌana a au, i haꞌataꞌa rō ai i a au māꞌana ꞌe, hai riva rahi ōꞌona, i haka ꞌite mai ai ko ai a Ietū, mo haka moe ōꞌoku i te manaꞌu ꞌi ruŋa i a ia. Te haŋa ōꞌona: mo haka ꞌite mo oho ōꞌoku i te roŋo riva-riva o ruŋa i a Ietū ki te nuꞌu taꞌe he hūrio. Hora topa mai era o te meꞌe nei, ꞌina a au kai oho kai kimi e tahi kope mo haka ꞌite mai o ruŋa i te roŋo o te ꞌAtua,

Karatia 1:6

Ko māere riva-riva ꞌana a au ꞌi te hōrou o kōrua mo hārui hai tuaꞌivi i te ꞌAtua ꞌe i tāꞌana hāpī parautiꞌa. O te ꞌAtua, paꞌi, i haꞌataꞌa i a kōrua māꞌana hai riva rahi mau nō o te ⌊Kiritō⌋, mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE nā kōrua e haka roŋo mai ena ki te hāpī kē manaꞌu e kōrua he ⌊roŋo riva-riva o te ꞌAtua⌋.

Karatia 5:8

Te haka tapa o kōrua mai te ara nei taꞌe he meꞌe o te ꞌAtua. ꞌĀꞌana mau ꞌā, paꞌi, i kī atu mo oho o kōrua a nei ara.

Ēfeto 3:11

Ko manaꞌu era ꞌā e te ꞌAtua mo aŋa i te meꞌe nei mai muꞌa ꞌā, mai te hora kai aŋa ꞌana i te ao, ꞌe ko aŋa ꞌana hai meꞌe i aŋa e Ietū Kiritō, he Pūꞌoko Haka Tere o tātou, hora mate era ōꞌona ꞌi ruŋa i te tātaurō.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Fīripo 3:14

mo tuꞌu ki te roa hopeꞌa ꞌe mo ravaꞌa e au i te meꞌe mo vaꞌai mai e te ꞌAtua ꞌi te raŋi ꞌo te ai ōꞌoku ꞌa Ietū Kiritō, pa he kope ꞌāꞌati e tahuti ena mo ravaꞌa i te meꞌe mo haka koa i a ia ka tuꞌu ena ki te roa hopeꞌa.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

ꞌEvereo 9:15

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.