Rōmano 8:27 - Rapa Nui

²⁷ ꞌE, te ꞌAtua, kope ꞌite i te huru o te māhatu o te taŋata, ko ꞌite ꞌana he aha te meꞌe ani e te Vārua Maitai ꞌo te ai e ani ꞌana e te Vārua Maitai ki te meꞌe haŋa e te ꞌAtua mo te taŋata haka moe i te manaꞌu ꞌi ruŋa i a Ietū.

Rōmano 8:27 ပူးပေါင်းရင်းမြစ်များ

Māteo 6:8

ꞌIna ko aŋa pē rāua. ꞌI raꞌe ki te kōrua no-noꞌi, paꞌi, ko ꞌite era ꞌā e te kōrua Matuꞌa o te raŋi i te meꞌe riva-riva mo kōrua.

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Aŋa o te ꞌĀpōtoro 1:24

He pure ia ananake: «E te ꞌAtua ē, ko koe i ꞌite i te huru o te māhatu o te taŋata taꞌatoꞌa. Ka haka ꞌite mai koe ko ai o roto o te ŋāŋata nei e rua i haŋa e koe

Aŋa o te ꞌĀpōtoro 15:8

Te ꞌAtua, meꞌe ꞌite i te huru o te māhatu o te taŋata, ko haka takeꞌa ꞌana, paꞌi, i tōꞌona haŋa ki a rāua hai vaꞌai i te ⌊Vārua Maitai⌋, pa he vaꞌai iŋa mai era ki a tātou.

Rōmano 8:34

¿Mā ꞌai e kī i te ūtuꞌa mo rāua? Ko Ietū Kiritō, paꞌi, te meꞌe i mate mo rāua koia ko ora mai te mate ꞌe ꞌai te pāꞌiŋa mataꞌu o te ꞌAtua e noho ena e ani ꞌana mo tātou.

Rōmano 8:6

Te nuꞌu aŋa i te meꞌe taꞌe tano, te meꞌe mo ravaꞌa he mate. ꞌE te nuꞌu aŋa i te meꞌe haŋa o te Vārua Maitai, te meꞌe mo ravaꞌa he haumārū ꞌe he ora ꞌina he hopeꞌa raꞌa.

Ēfeto 2:18

Hai meꞌe aŋa era e Ietū Kiritō e riva nō tātou, te hūrio ꞌe te nuꞌu taꞌe hūrio, mo haka hāhine ki te ꞌAtua Matuꞌa hai ⌊Vārua Maitai⌋ vaꞌai mai e ia.

1 Tētārōnika 2:4

E vānaŋa ena mātou pa he taŋata tano ki te mata o te ꞌAtua ꞌe haꞌataꞌa e ia mo haka ꞌite i tāꞌana roŋo riva-riva o ruŋa i a Ietū, ꞌe taꞌe ꞌō mo koa o te taŋata; mo koa o te ꞌAtua, kope ꞌite i te meꞌe tano ꞌe i te meꞌe taꞌe tano ꞌi roto i te mātou māhatu.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.

Tanatiako 5:16

ꞌO ira, ꞌi roto i a kōrua e kī i te kōrua hara ꞌe e pure te taina nei mo te taina era, ki haka ora atu ai e te ꞌAtua i te kōrua hakari ꞌe i te kōrua vārua. Te pure o te kope aŋa i te meꞌe tī-tika ki te mata o te ꞌAtua e ai rō ꞌana te mana.