Rōmano 8:26 - Rapa Nui

²⁶ He kore o te tātou pūai, e hāꞌūꞌū mai ena te Vārua Maitai. ꞌE, ꞌi te taꞌe ꞌite o tātou pē hē ana pure, ꞌāꞌana mau ꞌā te ani ki te ꞌAtua mo tātou hai taŋi, taŋi ena ꞌina he vānaŋa mo haꞌaauraꞌa.

Rōmano 8:26 ပူးပေါင်းရင်းမြစ်များ

Māteo 10:20

ꞌI rā hora, taꞌe hai manaꞌu o kōrua ka vānaŋa era, mo te ⌊Vārua Maitai⌋ o tuꞌu Matuꞌa e haka vānaŋa i a kōrua.

Māteo 20:22

He pāhono e Ietū: —Kai ꞌite kōrua he aha te kōrua meꞌe e no-noꞌi mai ena. ¿E ꞌite rō kōrua mo haꞌaoromaꞌi i te ꞌati pē au ka haꞌaoromaꞌi nei i te ꞌati ka topa mai ena? He kī e rā ŋā kope: —ꞌĒ-ē, e haꞌaoromaꞌi nō e māua.

Ruka 22:44

ꞌI te rahi o te māui-ui ꞌi roto i te māhatu, ko ꞌata hau ꞌā e pure era, ꞌe ꞌai te nu-nui o te paꞌahia e toto rō ꞌā e viri era.]

Iovani 14:16

Ka iri nei a au, he no-noꞌi ki te Matuꞌa mo uŋa mai i te kope tāꞌana meꞌe aŋa he hāꞌūꞌū, he Vārua Maitai hāpī i te Parautiꞌa, mo noho mau rō atu ꞌai ꞌi roto i a kōrua. Te Vārua Maitai e ko ai i te nuꞌu o te ao nei taꞌe ⌊haka moe i te manaꞌu⌋ ꞌi ruŋa i a au, he taꞌe ꞌite ꞌe he taꞌe aŋi-aŋi ko ai a ia. Ko kōrua te meꞌe i aŋi-aŋi; a ia, paꞌi, nā ꞌi muri i a kōrua ꞌe pe muꞌa ka oho ena ꞌi roto i a kōrua mau ꞌana ka noho ena.

Rōmano 15:1

A tātou, te nuꞌu ꞌite riva-riva i te meꞌe o ruŋa i te ꞌAtua, e haꞌaoromaꞌi te taꞌe aŋa o te tātou taina i te meꞌe manaꞌu e rāua he meꞌe taꞌe haꞌatiꞌa e te ꞌAtua. ꞌIna ko aŋa i te meꞌe mo koa o tātou nō.

Rōmano 7:24

¡Ko te ꞌati ꞌō i a au! ¿Mā ꞌai au e haka eꞌa mai roto i te rima o te huru hara maꞌu i a au ki te mate?

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

2 Kōrinto 5:2

E noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Te meꞌe haŋa he tuꞌu hōrou mai te hora mo kamiare o te hakari nei ki te hakari ꞌāpī o te raŋi.

2 Kōrinto 5:4

ꞌĒ-ē, e noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Ka ai atu pē ira, taꞌe he mate te tātou meꞌe haŋa mo kore o te hakari, te meꞌe haŋa he mono o te hakari nei ki te hakari e ko mate ki te hora hopeꞌa.

Karatia 4:6

ꞌE, ko ꞌite ꞌana a tātou he ŋā poki parautiꞌa tātou o te ꞌAtua ꞌo te ai ko uŋa mai ꞌā i te ⌊Vārua Maitai⌋ o tāꞌana Poki ki roto i te tātou māhatu; ꞌe hai ia e tano nei a tātou mo kī ki te ꞌAtua ꞌi te hora e pure nei tātou: «E koro ōꞌoku ē».

Ēfeto 2:18

Hai meꞌe aŋa era e Ietū Kiritō e riva nō tātou, te hūrio ꞌe te nuꞌu taꞌe hūrio, mo haka hāhine ki te ꞌAtua Matuꞌa hai ⌊Vārua Maitai⌋ vaꞌai mai e ia.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.

ꞌEvereo 5:2

Te ŋā oromatuꞌa nei he taŋata e ai rō ꞌana te hape. ꞌO ira e ꞌite ena mo haꞌaoromaꞌi i te nuꞌu taꞌe ꞌite riva-riva i te meꞌe o te ꞌAtua oho a te ara kē.

Tanatiako 4:3

ꞌE mo ai ko no-noꞌi ꞌā ꞌe ꞌina he vaꞌai atu, he taꞌe tano o te kōrua manaꞌu i no-noꞌi ai. E haŋa ena kōrua mo te meꞌe pohe nō o te hakari.