Rōmano 8:19 - Rapa Nui

¹⁹ ꞌE te meꞌe taꞌatoꞌa aŋa e te ꞌAtua ko te tiaki iŋa ꞌana ki te hora mo haka takeꞌa e ia: he ŋā poki tātou ꞌāꞌana,

Rōmano 8:19 ပူးပေါင်းရင်းမြစ်များ

Māteo 5:9

Ko te koa i te nuꞌu aŋa mo ai o te haumārū ꞌi roto i te taŋata; e kī rō e te nuꞌu he ŋā poki o te ꞌAtua.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Aŋa o te ꞌĀpōtoro 3:21

»ꞌE mo te hora nō nei a Ietū Kiritō ana noho ꞌi te raŋi ꞌātā ki te haka riva-riva iŋa e te ꞌAtua i te meꞌe taꞌatoꞌa, pa he meꞌe haka ꞌite mai hai tāꞌana ŋā perofeta era o muꞌa ꞌā.

Rōmano 8:14

Te nuꞌu taꞌatoꞌa haka tere e te Vārua Maitai, he ŋā poki o te ꞌAtua.

Rōmano 8:16

O te Vārua mau nei ꞌā te haka ꞌite mai ki a tātou pē nei ē: he ŋā poki tātou o te ꞌAtua.

Rōmano 8:18

Ki tōꞌoku manaꞌu, te ꞌati ꞌamo e tātou ꞌi te hora nei taꞌe ꞌā he meꞌe ki te meꞌe hopeꞌa o te nui-nui ka takeꞌa ena e tātou pe muꞌa ka oho ena.

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

Rōmano 9:26

ꞌE ꞌi te kona kī mau era ꞌā: “Taꞌe kōrua he taŋata ꞌāꞌaku”, ka kī ena: “He ŋā poki o te ꞌAtua ora a kōrua”».

1 Kōrinto 1:7

ꞌO ira, e tiaki nō ena kōrua ki te mahana o te hoki iŋa haka ꞌou mai o te tātou Pūꞌoko Haka Tere ko Ietū Kiritō, e ko hape mai i a kōrua e tahi meꞌe o te meꞌe taꞌatoꞌa vaꞌai e te ꞌAtua ki tāꞌana nuꞌu mo aŋa i tāꞌana aŋa.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

Karatia 3:26

Hai haka moe mau nō i te manaꞌu ꞌi ruŋa i a Ietū e ŋā poki nei tātou o te ꞌAtua.

Fīripo 1:20

Tāꞌaku meꞌe hopeꞌa o te haŋa he taꞌe aŋa ōꞌoku e tahi meꞌe ꞌo haꞌamā a au ꞌi muꞌa i a Ietū, ꞌe he vānaŋa he oho ōꞌoku o ruŋa i a ia hai pūai, pa he meꞌe nei e aŋa atu ena ki ꞌaŋarīnā, ki takeꞌa ai e te nuꞌu i te nui-nui o Ietū hai meꞌe taꞌatoꞌa aŋa ꞌe kī e au, ꞌo, ana haŋa te ꞌAtua, hai mate iŋa ōꞌoku.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

ꞌEvereo 12:27

Te auraꞌa o tāꞌana vānaŋa kī era «he haka rurū haka ꞌou»: he haka kore i te meꞌe taꞌatoꞌa aŋa e ia o te ao nei, ki noho ai te meꞌe mau era o te raŋi, he meꞌe mo taꞌe ŋaro ki te hora hopeꞌa.

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.