Rōmano 8:15 - Rapa Nui

¹⁵ Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

Rōmano 8:15 ပူးပေါင်းရင်းမြစ်များ

Māteo 25:25

ꞌE, ꞌi te riꞌa-riꞌa ōꞌoku ꞌo ŋaro o rā moni era ōꞌou, he maꞌu e au he naꞌa ꞌi raro i te ꞌōꞌone. ꞌĪ a au he haka hoki atu”.

Marko 14:36

Pē nei i kī ai: «E Koro ōꞌoku ē, ꞌina e tahi meꞌe mo taꞌe ravaꞌa e koe. Ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka haka tano koe hai meꞌe nō ena ꞌāꞌau i haŋa, ꞌe taꞌe hai meꞌe haŋa ꞌāꞌaku».

Ruka 11:2

He kī e Ietū: —Pē nei a kōrua ana pure: «E te Matuꞌa o mātou ē, te meꞌe haŋa he moꞌa o te taŋata taꞌatoꞌa i tuꞌu ꞌīŋoa, ꞌe he haka rē atu mo haka tere ōꞌou i a rāua.

Ruka 22:42

He kī: «E Koro, mo haŋa ōꞌou, ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka aŋa koe hai meꞌe nō ena ꞌāꞌau i haŋa ꞌe taꞌe hai meꞌe haŋa ꞌāꞌaku». [

Ruka 8:28

I takeꞌa era i a Ietū, he tū-turi ꞌi muꞌa koia ko ohu: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 8:37

He haꞌamata he ani e te nuꞌu taꞌatoꞌa o Hērata ki a Ietū mo oho mai rā kona, he riꞌa-riꞌa o rāua. He eke ia a Ietū ki ruŋa ki te vaka ꞌe he eꞌa he oho rō ꞌai.

Iovani 16:8

»Ki tuꞌu mai a ia, he haka ꞌite ki te taŋata o te ao nei ko ai te kope hara, ko ai te kope ꞌina e tahi hape, ꞌe ꞌi ruŋa i a ai ka topa ena te ture o te ꞌAtua.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Aŋa o te ꞌĀpōtoro 16:29

He kī e tū taŋata era ki te nuꞌu ꞌauario mo vaꞌai i te mōrī. I tahuti i uru ai e rurū rō ꞌā ꞌi te riꞌa-riꞌa, he tū-turi a te vaꞌe o Pauro ararua ko Tira.

Aŋa o te ꞌĀpōtoro 2:37

I ŋaroꞌa era i rā meꞌe e te nuꞌu taka-taka ꞌi tū kona era, he oꞌo te mamae ki roto i te māhatu, ꞌe he ꞌui ki a Pētero ꞌe ki te tētahi ꞌāpōtoro: —E kuā taina, ¿he aha te mātou meꞌe mo aŋa?

Rōmano 8:16

O te Vārua mau nei ꞌā te haka ꞌite mai ki a tātou pē nei ē: he ŋā poki tātou o te ꞌAtua.

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

Rōmano 8:26

He kore o te tātou pūai, e hāꞌūꞌū mai ena te Vārua Maitai. ꞌE, ꞌi te taꞌe ꞌite o tātou pē hē ana pure, ꞌāꞌana mau ꞌā te ani ki te ꞌAtua mo tātou hai taŋi, taŋi ena ꞌina he vānaŋa mo haꞌaauraꞌa.

Rōmano 9:4

A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

1 Kōrinto 2:12

ꞌIna i a tātou i te nuꞌu ⌊haka moe i te manaꞌu⌋ ꞌi ruŋa i a Ietū, te manaꞌu iŋa ena o te taŋata o te ao. Te meꞌe i a tātou he Vārua Maitai vaꞌai mai e te ꞌAtua, mo aŋi-aŋi he aha te meꞌe taꞌatoꞌa vaꞌai mai e ia ꞌi tōꞌona riva rahi.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

Ēfeto 1:5

i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.

2 Timoteo 1:7

Te ⌊Vārua Maitai⌋ vaꞌai mai era e te ꞌAtua taꞌe he Vārua haka ꞌaka-ꞌaka i te manaꞌu; he Vārua pūai, haka haŋu, haka poreko i te haŋa ki te rua, ꞌe haka ꞌite i te haka topa riva-riva i te manaꞌu.

ꞌEvereo 2:15

ꞌE he haka kore takoꞌa i te riꞌa-riꞌa o te taŋata ꞌi te mate, he meꞌe haka ꞌekaravo i te taŋata mai te rāua poreko iŋa ꞌā.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

1 Iovani 4:18

Te kona ꞌi ira te haŋa, ꞌina he riꞌa-riꞌa. Te taŋata e riꞌa-riꞌa ena ꞌi te manaꞌu he haka ūtuꞌa i a rāua, ꞌe te haŋa parautiꞌa o te ꞌAtua he haka kore i te riꞌa-riꞌa. Te kope riꞌa-riꞌa ia, ꞌina kai aŋi-aŋi riva-riva ꞌā i te pūai o te haŋa o te ꞌAtua mōꞌona.