Rōmano 7:9 - Rapa Nui

⁹ ꞌI te hora kai ꞌite ꞌana a au o ruŋa i te haka tere iŋa ꞌa Mōtē e riva-riva rō ꞌana a au e noho era, ki tōꞌoku manaꞌu. ꞌE, i ꞌite era a au o ruŋa, ꞌi rā hora i aŋi-aŋi iho ai e au he taŋata hara ꞌō tū au era

Rōmano 7:9 ပူးပေါင်းရင်းမြစ်များ

Māteo 19:20

—Te meꞌe taꞌatoꞌa ena ko haka tano tahi ꞌana e au —i kī ai e rā kope—. ¿He aha tāꞌaku meꞌe toe mo aŋa?

Ruka 15:29

He kī e tū poki ꞌatariki era: “E koro, ka hia ōꞌoku matahiti e aŋa nō atu ena, ꞌina kai pātoꞌi atu ꞌā, ꞌe kai vaꞌai mai ꞌana koe korohaŋa e tahi vato-vato mo aŋa o te ŋoŋoro ananake mātou ko tōꞌoku repahoa.

Ruka 18:21

He kī e rā taŋata: —Te ŋā meꞌe taꞌatoꞌa ena ko aŋa ko oho mai era ꞌā e au mai tōꞌoku ꞌāpī iŋa ꞌana.

Rōmano 10:5

E ai rō ꞌana te meꞌe i haka pāpaꞌi e te ꞌAtua ki a Mōtē o ruŋa i te meꞌe he tano o te taŋata ki tōꞌona mata hai haꞌatura ki te haka tere iŋa ꞌa Mōtē e kī ena pē nei ē: «Te kope haꞌatura i te meꞌe taꞌatoꞌa hāꞌaki o ruŋa i rā haka tere iŋa, ꞌātā i te meꞌe hopeꞌa o te ꞌiti-ꞌiti, he ravaꞌa i te ora ꞌāpī ꞌina he hopeꞌa raꞌa».

Rōmano 7:10

ꞌe e ꞌava-ꞌava rō ꞌana e noho era mai te ꞌAtua. Pē ira, te haka tere iŋa nei ꞌa Mōtē, he meꞌe mo maꞌu i a tātou a te ara o te ora, i riro ai he meꞌe mo maꞌu i a tātou ki te mate.

Rōmano 7:11

Pē nei te auraꞌa: ko toꞌo mai ꞌā e te huru hara o te taŋata i te haka tere iŋa ꞌa Mōtē, ko haꞌariro ꞌā pa he meꞌe ꞌāꞌana, mo reo-reo mai pē nei ē: mo haꞌatura ōꞌoku ki rā haka tere iŋa, he ravaꞌa e au i te ora ꞌāpī ꞌina he hopeꞌa raꞌa. ꞌE, i hopeꞌa ai, hai rā haka tere iŋa mau ꞌā, i haꞌataꞌa ai i a au mai muri i te ꞌAtua ꞌi te taꞌe ravaꞌa e au mo haꞌatura tahi.

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.

Rōmano 7:6

ꞌE hora nei, ꞌina he pūai toe o te haka tere iŋa ꞌa Mōtē ꞌi ruŋa i a tātou. Ko tano ꞌana ia a tātou ꞌi te hora nei mo aŋa i te meꞌe haŋa o te ꞌAtua, taꞌe ꞌō hai oho iŋa tuai haꞌatura ki te haka tere iŋa ꞌa Mōtē, hai oho iŋa ꞌāpī hāꞌūꞌū mai e te ⌊Vārua Maitai⌋.

Rōmano 7:8

Mo taꞌe ai, paꞌi, o te haka tere iŋa mo haꞌatura, te hara he meꞌe mate. Te ꞌati nō, he toꞌo mai e te huru hara ōꞌoku i te roŋo nei «ꞌina ko nou-nou», he haka poreko ꞌi roto i a au i te nou-nou mo te meꞌe rahi nō atu meꞌe.

Rōmano 8:7

Te nuꞌu haka tere i a rāua hai manaꞌu taŋata, he nuꞌu riri mo te ꞌAtua. Te nuꞌu nei ꞌina he haŋa mo haꞌatura ki te ⌊haka tere iŋa o te ꞌAtua haka pāpaꞌi ki a Mōtē⌋, ꞌe, takoꞌa, ꞌina mau ꞌā e ko ravaꞌa e rāua mo haꞌatura.

Karatia 2:19

I aŋi-aŋi era e au e ko ravaꞌa mo tano ki te mata o te ꞌAtua hai haꞌatura ki te haka tere iŋa ꞌa Mōtē, kai haka haŋu haka ꞌou ia a au a ruŋa i rā haka tere iŋa. ꞌE hora nei, mo te ꞌAtua mau nō a au e ora nei. I haka moe era a au i tōꞌoku manaꞌu ꞌi ruŋa i a Ietū, i tuꞌu rō pa he meꞌe ena ē: ko mate takoꞌa ꞌana a au ꞌi muri i a ia ꞌo te ai i mate ai a ia mōꞌoku.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».