Rōmano 7:7 - Rapa Nui

⁷ ¿Ka kī ꞌō te haka tere iŋa era ꞌa Mōtē meꞌe rake-rake? ¡Taꞌe pē ira! ꞌĀhani ꞌina he haka tere iŋa era ꞌa Mōtē, e ko ꞌite mai he aha te meꞌe he hara, te auraꞌa, e ko ꞌite mai he aha te meꞌe he nou-nou ꞌāhani i taꞌe haka ꞌite mai: «ꞌIna ko nou-nou».

Rōmano 7:7 ပူးပေါင်းရင်းမြစ်များ

Māteo 5:28

ꞌE, ꞌī a au he kī atu: te kope uꞌi ꞌe pohe mo moe i te viꞌe o te rua, ko taiꞌata ꞌana ꞌi roto i tōꞌona manaꞌu.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 20:16

He oho he tiŋaꞌi i rā nuꞌu he haka mate ꞌe he vaꞌai i rā henua ki te tētahi nuꞌu mo hāpaꞌo. I ŋaroꞌa era e te nuꞌu i rā vānaŋa he kī: —¡Pē hiva ꞌā ana taꞌe topa te meꞌe tuꞌu pē nā!

Aŋa o te ꞌĀpōtoro 20:33

»Ki te hora hopeꞌa kai fiꞌiꞌi a au ki te moni ꞌe ki te kahu o tētahi.

Rōmano 13:9

E kī rō ꞌana, paꞌi, ꞌi ruŋa: «ꞌIna ko taiꞌata, ꞌina ko tiŋaꞌi ko haka mate i te rua, ꞌina ko toke ꞌe ꞌina ko pohe ki te meꞌe o te rua». Te roŋo taꞌatoꞌa nei ꞌe te tētahi atu roŋo e tano tahi nō mo haꞌatura ōꞌou ki te roŋo mau nō nei: «E haŋa ki te rua pa he haŋa iŋa ena ꞌā ōꞌou ki a koe mau ꞌā».

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 4:1

Ka manaꞌu rā kōrua ki a ⌊ꞌAparahama⌋, tupuna o mātou o te ⌊hūrio⌋.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 7:11

Pē nei te auraꞌa: ko toꞌo mai ꞌā e te huru hara o te taŋata i te haka tere iŋa ꞌa Mōtē, ko haꞌariro ꞌā pa he meꞌe ꞌāꞌana, mo reo-reo mai pē nei ē: mo haꞌatura ōꞌoku ki rā haka tere iŋa, he ravaꞌa e au i te ora ꞌāpī ꞌina he hopeꞌa raꞌa. ꞌE, i hopeꞌa ai, hai rā haka tere iŋa mau ꞌā, i haꞌataꞌa ai i a au mai muri i te ꞌAtua ꞌi te taꞌe ravaꞌa e au mo haꞌatura tahi.

Rōmano 7:13

¿Te kī ia: o te meꞌe riva-riva nei i maꞌu i a au ki te mate? ¡Taꞌe pē ira! O te huru hara o tātou te maꞌu i a tātou ki te mate, ꞌe i meꞌe ai hai meꞌe riva-riva. Hai haka tere iŋa, paꞌi, ꞌa Mōtē e aŋi-aŋi ena i te taparahi-taꞌata o te meꞌe ena he hara.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Rōmano 7:8

Mo taꞌe ai, paꞌi, o te haka tere iŋa mo haꞌatura, te hara he meꞌe mate. Te ꞌati nō, he toꞌo mai e te huru hara ōꞌoku i te roŋo nei «ꞌina ko nou-nou», he haka poreko ꞌi roto i a au i te nou-nou mo te meꞌe rahi nō atu meꞌe.

1 Kōrinto 15:56

Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua.

Ēfeto 5:3

E ai te kōrua noho iŋa noho iŋa tano o te nuꞌu haꞌataꞌa e te ꞌAtua māꞌana. ꞌIna kōrua ko moe i te viꞌe ꞌe i te taŋata taꞌe he kenu ꞌe he viꞌe o kōrua, ꞌina kōrua ko aŋa i te tētahi haka ꞌou atu meꞌe taꞌe tano tuꞌu pē ira ꞌe, takoꞌa, ꞌina ko nou-nou. E hāpaꞌo te kōrua noho iŋa, ꞌo manaꞌu tāꞌue te nuꞌu pē nei ē: e aŋa rō ꞌana kōrua i te ŋā meꞌe nei.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

1 Tētārōnika 4:5

Taꞌe mo te meꞌe taꞌe tano pohe e te hakari e haka tere atu i a kōrua, pa he meꞌe aŋa o te nuꞌu ꞌina kai ꞌite ko ai te ꞌAtua parautiꞌa.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.