Rōmano 7:6 - Rapa Nui

⁶ ꞌE hora nei, ꞌina he pūai toe o te haka tere iŋa ꞌa Mōtē ꞌi ruŋa i a tātou. Ko tano ꞌana ia a tātou ꞌi te hora nei mo aŋa i te meꞌe haŋa o te ꞌAtua, taꞌe ꞌō hai oho iŋa tuai haꞌatura ki te haka tere iŋa ꞌa Mōtē, hai oho iŋa ꞌāpī hāꞌūꞌū mai e te ⌊Vārua Maitai⌋.

Rōmano 7:6 ပူးပေါင်းရင်းမြစ်များ

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Rōmano 6:4

ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

Rōmano 7:1

E te taina, ko ꞌite riva-riva ꞌana a kōrua o ruŋa i te ⌊haka tere iŋa ꞌa Mōtē⌋ ꞌe, ko ꞌite takoꞌa ꞌā: ꞌina e tahi pūai o te haka tere iŋa nei ꞌi ruŋa i te taŋata mate.

Rōmano 7:2

Pē nei te auraꞌa: te viꞌe ⌊hāipo-ipo⌋ ki te taŋata e tahi he viꞌe mau rō ꞌai o rā taŋata ꞌi te hora e ora nō ꞌā. ꞌE, mo mate o rā kenu, taꞌe rā viꞌe viꞌe hāipo-ipo toe.

Rōmano 7:4

Pē ira takoꞌa a kōrua, e te taina ōꞌoku ē. ꞌIna he pūai toe o te haka tere iŋa ꞌa Mōtē ꞌi ruŋa i a kōrua. I mate era a Ietū mo tātou, ko mate takoꞌa ꞌā a tātou ꞌi muri. Pē ira i kore ai te pūai o rā haka tere iŋa mai ruŋa i a tātou, ꞌe ꞌi te hora nei te meꞌe i a tātou he pūai o te kope ora haka ꞌou mai era mai te mate mo aŋa o tātou i te meꞌe haŋa o te ꞌAtua.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 4:24

Te meꞌe mo takeꞌa ꞌi ruŋa i a kōrua he huru ꞌe he noho iŋa ꞌāpī tano ki te huru ꞌāpī vaꞌai atu e te ꞌAtua, pa he huru mau era ꞌā ōꞌona. Te noho iŋa nei he noho iŋa tī-tika, tano ki te mata o te ꞌAtua, ꞌina e tahi hape.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

Kōrosa 3:10

Te ꞌAtua ko vaꞌai atu ꞌana i te huru ꞌāpī, ꞌe ꞌāꞌana te aŋa te oho atu ꞌi roto i te kōrua māhatu mo riro o kōrua pē ia, ki ꞌata māhani ai kōrua i a ia.