Rōmano 7:24 - Rapa Nui

²⁴ ¡Ko te ꞌati ꞌō i a au! ¿Mā ꞌai au e haka eꞌa mai roto i te rima o te huru hara maꞌu i a au ki te mate?

Rōmano 7:24 ပူးပေါင်းရင်းမြစ်များ

Māteo 5:4

Ko te koa i te nuꞌu taŋi ꞌe ꞌamo i te ꞌati; e haka koa rō a rāua e te ꞌAtua.

Māteo 5:6

Ko te koa i te nuꞌu te rāua meꞌe haŋa mau nō he tano o te haka tere iŋa o te taŋata ki te mata o te ꞌAtua; te ꞌAtua e haka tano rō i rā meꞌe.

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

Rōmano 8:26

He kore o te tātou pūai, e hāꞌūꞌū mai ena te Vārua Maitai. ꞌE, ꞌi te taꞌe ꞌite o tātou pē hē ana pure, ꞌāꞌana mau ꞌā te ani ki te ꞌAtua mo tātou hai taŋi, taŋi ena ꞌina he vānaŋa mo haꞌaauraꞌa.

Kōrosa 2:11

ꞌE a kōrua, ka ai atu taꞌe he hūrio, ko tāpaꞌo ꞌana i a kōrua e te ꞌAtua pa he nuꞌu ꞌāꞌana. ꞌE te tāpaꞌo nei taꞌe pa he tāpaꞌo o te ⌊hūrio⌋ ꞌi ruŋa i te hakari, he hore i te kiri o te kinoŋa, he tāpaꞌo aŋa e te ꞌAtua ꞌi roto i te kōrua māhatu. Pē nei te auraꞌa: i haka moe era kōrua i te manaꞌu ꞌi ruŋa i a Ietū, he haka kore e te ꞌAtua mai ruŋa i a kōrua i te pūai o te meꞌe taꞌe tano pohe e te hakari.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 2:15

ꞌE he haka kore takoꞌa i te riꞌa-riꞌa o te taŋata ꞌi te mate, he meꞌe haka ꞌekaravo i te taŋata mai te rāua poreko iŋa ꞌā.

Meꞌe Haka Takeꞌa 21:4

He haroꞌi tahi e ia i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana».