Rōmano 7:23 - Rapa Nui

²³ Ka ai atu pē ira, ꞌi roto i a au te meꞌe haka tātake i tōꞌoku manaꞌu riva-riva: he huru hara o roto ōꞌoku, maꞌu i a au pa he taŋata puru ꞌāꞌana.

Rōmano 7:23 ပူးပေါင်းရင်းမြစ်များ

Rōmano 6:13

ꞌIna ko vaꞌai i te kōrua hakari ki te hara, ꞌo riro te hakari he meꞌe mo aŋa o te meꞌe taꞌe tano. Te meꞌe o kōrua mo aŋa, pa he taŋata ora haka ꞌou mai te mate, he vaꞌai i a kōrua ki te ꞌAtua mo haka tere atu, ꞌe te kōrua hakari pa he meꞌe mo aŋa o te meꞌe tī-tika ꞌi muꞌa ōꞌona.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

Rōmano 7:14

A tātou e ꞌite rō ꞌana: te haka tere iŋa ꞌa Mōtē meꞌe riva-riva, he meꞌe vaꞌai e te Vārua o te ꞌAtua. ꞌE a au pa he taŋata ꞌina ōꞌoku pūai ꞌi muꞌa o te hara. E tuꞌu rō ꞌana a au pa he ꞌekaravo o te hara.

Rōmano 7:21

Hora nei ko aŋi-aŋi ꞌana e au: ka haŋa atu a au mo aŋa i te meꞌe riva-riva, te meꞌe ravaꞌa nō mo aŋa he meꞌe rake-rake.

Rōmano 7:25

Mo te ꞌAtua mau nō e haka eꞌa hai Ietū Kiritō, he Pūꞌoko Haka Tere o tātou, ꞌe ki a ia a au e māuru-uru nei. Hora nei e aŋi-aŋi riva-riva rō ꞌana e au: tāꞌaku meꞌe haŋa he haꞌatura ki te haka tere iŋa o te ꞌAtua haka pāpaꞌi ki a Mōtē, ꞌe, ꞌi te meꞌe ꞌina ōꞌoku pūai, he haꞌatura nō tāꞌaku aŋa ki te hara.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

Karatia 5:17

Te meꞌe taꞌe tano pohe e te hakari meꞌe taꞌe haŋa o te Vārua Maitai. ꞌE te meꞌe haŋa ꞌāꞌana mo aŋa e tātou taꞌe he meꞌe taꞌe tano pohe e te hakari. Te ŋā meꞌe nei ararua e tātake rō ꞌā ꞌi roto i a tātou. ꞌO ira a tātou e taꞌe ravaꞌa ena mo aŋa i te meꞌe haŋa mau era mo aŋa.

ꞌEvereo 12:4

ꞌi te hora tōtōā atu e te nuꞌu hara. A kōrua, paꞌi, kai mate pē Ietū ꞌi te aŋa iŋa mo rē ki te hara.

Tanatiako 3:2

A tātou, te taŋata taꞌatoꞌa e hape rahi rō ꞌā. ꞌE mo ai tāꞌue o te kope taꞌe hape ꞌi tāꞌana meꞌe kī, he taŋata ꞌina e tahi hape ia ꞌi muꞌa o te ꞌAtua ꞌe he taŋata ꞌite mo haka noho i a ia ꞌo hara.

Tanatiako 4:1

E te taina, ¿ko ꞌite ꞌā a kōrua mai hē te ture ꞌe te tātake e ai ena ꞌi roto i a kōrua? Mai te haŋa ki te meꞌe taꞌe tano haka tātake oho i te manaꞌu.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.