Rōmano 7:22 - Rapa Nui

²² Hai māhatu a au e haŋa nei ki te ⌊haka tere iŋa o te ꞌAtua haka pāpaꞌi ki a Mōtē⌋.

Rōmano 7:22 ပူးပေါင်းရင်းမြစ်များ

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Rōmano 2:29

Te auraꞌa: te ai ōꞌou he taŋata haꞌataꞌa parautiꞌa e te ꞌAtua māꞌana he meꞌe o te māhatu, ꞌe pē ira ꞌā te hore i te kiri o te kinoŋa. Te hore parautiꞌa o te kinoŋa he haka kore i te meꞌe taꞌe tano mai roto i te māhatu, he meꞌe aŋa e te ⌊Vārua Maitai⌋ mau nō, ꞌe taꞌe he meꞌe ravaꞌa hai maꞌu ꞌe hai haꞌatura ki te haka tere iŋa ꞌa Mōtē. Te kope pē nei e haꞌahana-hana rō ꞌā e te ꞌAtua ka ai atu ꞌina he haꞌahana-hana e te taŋata.

Rōmano 8:7

Te nuꞌu haka tere i a rāua hai manaꞌu taŋata, he nuꞌu riri mo te ꞌAtua. Te nuꞌu nei ꞌina he haŋa mo haꞌatura ki te ⌊haka tere iŋa o te ꞌAtua haka pāpaꞌi ki a Mōtē⌋, ꞌe, takoꞌa, ꞌina mau ꞌā e ko ravaꞌa e rāua mo haꞌatura.

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

Ēfeto 3:16

ꞌe he ani a au ki a ia mo hāꞌūꞌū atu, hai pūai taꞌe pau ōꞌona ꞌe hai Vārua Maitai, mo haka hio-hio i te kōrua manaꞌu ꞌi ruŋa i a Ietū.

Kōrosa 3:9

ꞌIna kōrua ko reo-reo. Te huru ꞌe te noho iŋa taꞌe tano, paꞌi, o kōrua o muꞌa ꞌā ko haka rē tahi ꞌana.

ꞌEvereo 8:10

Te haka tere iŋa ꞌāpī ka aŋa ena e au ananake ko te itaraera ꞌi rā mahana, ko te meꞌe nei: He ha-haꞌo e au i tāꞌaku roŋo ꞌi roto i te rāua manaꞌu, ꞌe he pāpaꞌi ꞌi roto i te rāua māhatu. He riro a au he ꞌAtua o rāua, ꞌe a rāua he taŋata ꞌāꞌaku.

1 Pētero 3:4

E ai hai meꞌe o roto i te māhatu, pa he huru riva ꞌe haumārū, he nehe-nehe taꞌe ŋaro ki te hora hopeꞌa. Te nehe-nehe tuꞌu pē nei e hauhaꞌa rahi rō ꞌā ki te ꞌAtua.