Rōmano 7:18 - Rapa Nui

¹⁸ Ko ꞌite ꞌana a au ꞌina he meꞌe riva-riva poreko mai roto i tōꞌoku huru hara. Ka haŋa atu, paꞌi, a au mo aŋa i te meꞌe riva-riva, ꞌina ōꞌoku pūai mo aŋa i rā meꞌe.

Rōmano 7:18 ပူးပေါင်းရင်းမြစ်များ

Māteo 15:19

Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Iovani 3:6

Te meꞌe poreko mai roto i te taŋata he taŋata mau ꞌā, ꞌe te meꞌe poreko hai pūai o te Vārua Maitai he poki o te ꞌAtua.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Rōmano 7:15

E tano rō ꞌā te mahana e māere rō ꞌana a au i tāꞌaku meꞌe aŋa. ꞌIna, paꞌi, a au he aŋa i tāꞌaku meꞌe riva-riva haŋa mo aŋa. He meꞌe hopeꞌa o tōꞌoku taꞌe haŋa tāꞌaku meꞌe aŋa.

Rōmano 7:19

ꞌIna a au he aŋa i te meꞌe riva-riva haŋa e au mo aŋa. He meꞌe rake-rake taꞌe haŋa e au mo aŋa tāꞌaku meꞌe aŋa.

Rōmano 7:25

Mo te ꞌAtua mau nō e haka eꞌa hai Ietū Kiritō, he Pūꞌoko Haka Tere o tātou, ꞌe ki a ia a au e māuru-uru nei. Hora nei e aŋi-aŋi riva-riva rō ꞌana e au: tāꞌaku meꞌe haŋa he haꞌatura ki te haka tere iŋa o te ꞌAtua haka pāpaꞌi ki a Mōtē, ꞌe, ꞌi te meꞌe ꞌina ōꞌoku pūai, he haꞌatura nō tāꞌaku aŋa ki te hara.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

Karatia 5:17

Te meꞌe taꞌe tano pohe e te hakari meꞌe taꞌe haŋa o te Vārua Maitai. ꞌE te meꞌe haŋa ꞌāꞌana mo aŋa e tātou taꞌe he meꞌe taꞌe tano pohe e te hakari. Te ŋā meꞌe nei ararua e tātake rō ꞌā ꞌi roto i a tātou. ꞌO ira a tātou e taꞌe ravaꞌa ena mo aŋa i te meꞌe haŋa mau era mo aŋa.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Fīripo 2:13

O te ꞌAtua, paꞌi, te haka poreko ꞌi roto i a kōrua i te haŋa mo haꞌatura ki a ia ꞌe te vaꞌai atu i te pūai mo aŋa o kōrua i te meꞌe mo koa ōꞌona.

Fīripo 3:12

ꞌIna a au he kī: ko tuꞌu ꞌana ꞌō a au ki te roa hopeꞌa: he taŋata ꞌina e tahi hape pē Ietū. Te meꞌe nō ꞌāꞌaku mo kī atu: ꞌī a au e aŋa e oho nō ꞌā mo tuꞌu pē ia; hora haꞌataꞌa era, paꞌi, i a au māꞌana, he meꞌe ena te meꞌe haŋa mōꞌoku.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.