Rōmano 6:9 - Rapa Nui

⁹ E ꞌite takoꞌa rō ꞌana a tātou pē nei ē: i ai ena ko haka ora ꞌā e te ꞌAtua i a Ietū mai te mate, e ko mate haka ꞌou ia ki te hora hopeꞌa. ꞌIna he pūai toe o te mate ꞌi ruŋa i a ia.

Rōmano 6:9 ပူးပေါင်းရင်းမြစ်များ

Rōmano 6:14

Pē ira e ko ai haka ꞌou ꞌi ruŋa i a kōrua te pūai o te hara. Te kōrua ora, paꞌi, ꞌi te riva rahi o te ꞌAtua ꞌe taꞌe ꞌi te haꞌatura ki te ⌊haka tere iŋa ꞌa Mōtē⌋.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

Rōmano 5:14

Mai te hora o ꞌĀtamu ki te hora o ⌊Mōtē⌋, te meꞌe mo te nuꞌu hara he mate, ka ai atu te rāua hara taꞌe he taꞌe haꞌatura ki te meꞌe kī e te ꞌAtua mo aŋa, pa he hara o ꞌĀtamu, kope pa he kope era mo oho mai ko Ietū Kiritō.

ꞌEvereo 7:16

A Ietū i oromatuꞌa ai taꞌe ꞌo te haka tano ki te haka tere iŋa era ꞌa Mōtē pē nei ē: he hakaara o Rēvī; i oromatuꞌa ai ꞌo te ai i a ia te pūai o te ora ꞌina he hopeꞌa raꞌa.

Rōmano 6:4

ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

Rōmano 6:10

I mate ai, paꞌi, te Kiritō mo rē mau rō ꞌāvai ki te pūai o te hara, ꞌe, hora nei, tōꞌona ora iŋa ꞌāpī mo haka nui-nui mau nō i te ꞌAtua.