Rōmano 6:4 - Rapa Nui

⁴ ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

Rōmano 6:4 ပူးပေါင်းရင်းမြစ်များ

Iovani 11:40

He kī haka ꞌou e Ietū: —¿Kai kī atu ꞌō e au, mo haka moe mai ōꞌou i tuꞌu manaꞌu ꞌi ruŋa i a au, he takeꞌa e koe i te pūai o te ꞌAtua?

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

Rōmano 6:3

¿Kai ꞌite ꞌō kōrua i haka moe era i te manaꞌu ꞌi ruŋa i a Ietū ꞌe i papatito era, he riro a tātou ꞌa Ietū Kiritō, ꞌe he tuꞌu pa he meꞌe: i mate rō ꞌi muri i a ia?

Rōmano 6:8

ꞌI te ai o tātou ko mate ꞌana ꞌi muri i te Kiritō, e ꞌite nei: ananake tātou ko kuā Ietū e noho nei.

Rōmano 6:9

E ꞌite takoꞌa rō ꞌana a tātou pē nei ē: i ai ena ko haka ora ꞌā e te ꞌAtua i a Ietū mai te mate, e ko mate haka ꞌou ia ki te hora hopeꞌa. ꞌIna he pūai toe o te mate ꞌi ruŋa i a ia.

Rōmano 7:6

ꞌE hora nei, ꞌina he pūai toe o te haka tere iŋa ꞌa Mōtē ꞌi ruŋa i a tātou. Ko tano ꞌana ia a tātou ꞌi te hora nei mo aŋa i te meꞌe haŋa o te ꞌAtua, taꞌe ꞌō hai oho iŋa tuai haꞌatura ki te haka tere iŋa ꞌa Mōtē, hai oho iŋa ꞌāpī hāꞌūꞌū mai e te ⌊Vārua Maitai⌋.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

1 Kōrinto 6:14

ꞌE pe muꞌa ka oho ena, he haka ora e te ꞌAtua i a tātou mai te mate hai pūai ōꞌona, pa he haka ora iŋa era e ia i a Ietū, Pūꞌoko Haka Tere o tātou.

2 Kōrinto 13:4

Ka ai atu i tuꞌu rō a ia pa he kope ꞌina e tahi pūai hora veo era ꞌi ruŋa i te tātaurō, hora nei, hai pūai o te ꞌAtua Matuꞌa e ora ena. Pē ira ꞌana a mātou. E tuꞌu rō ꞌana pa he nuꞌu pūai kore, ꞌe, ꞌi te ai o mātou o te ꞌAtua, hai pūai ōꞌona mātou e ora nei mo tāvini atu ki a kōrua.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Ēfeto 5:8

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

Kōrosa 3:10

Te ꞌAtua ko vaꞌai atu ꞌana i te huru ꞌāpī, ꞌe ꞌāꞌana te aŋa te oho atu ꞌi roto i te kōrua māhatu mo riro o kōrua pē ia, ki ꞌata māhani ai kōrua i a ia.

Kōrosa 4:1

ꞌE a kōrua, e te nuꞌu ai o te ꞌekaravo ē, e hāpaꞌo kōrua i a rāua ꞌe e aŋa i te meꞌe tī-tika. ꞌIna ko rehu: e ai takoꞌa rō ꞌana te kōrua Pūꞌoko Haka Tere ꞌi ruŋa i te raŋi.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

1 Iovani 2:6

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.