Rōmano 6:16 - Rapa Nui

¹⁶ ¿Kai ꞌite ꞌō kōrua pē nei ē: mo haꞌatura mo oho o kōrua ki te meꞌe e tahi, he riro kōrua he ꞌekaravo o rā meꞌe? He parautiꞌa te vānaŋa nei ka ai atu he hara ꞌo he ꞌAtua te meꞌe haꞌatura o kōrua. Te meꞌe nō, te hara he meꞌe maꞌu i a kōrua ki te mate, ꞌe te haꞌatura ki te ꞌAtua he meꞌe maꞌu i a kōrua mo haka tere hai meꞌe tī-tika.

Rōmano 6:16 ပူးပေါင်းရင်းမြစ်များ

Māteo 20:4

He kī: “Ka oho kōrua ka aŋa ꞌi tōꞌoku kona vino era. He ꞌauhau atu a au i te moni tano”. He eꞌa rā nuꞌu he oho.

Māteo 6:24

»ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Iovani 8:34

He kī e Ietū: —ꞌĪ a au he kī atu: te taŋata hara oho nō he ꞌekaravo o te hara.

Rōmano 11:2

Te parautiꞌa, ꞌina te ꞌAtua kai hārui tahi i te itaraera, he nuꞌu haꞌataꞌa e ia māꞌana mai muꞌa ꞌā, hai tuaꞌivi. Ka haka topa rā te kōrua manaꞌu ki te meꞌe ena e hāꞌaki ena ꞌi ruŋa i te ⌊Pāpaꞌi Moꞌa⌋ o ruŋa i te perofeta era ko ꞌĒria. ꞌI tōꞌona hora pure ki te ꞌAtua i horo ai i tāꞌana ture mo tōꞌona taŋata he itaraera pē nei ē:

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

1 Kōrinto 5:6

E ko tano kōrua mo teꞌo-teꞌo. E kī rō ꞌana, paꞌi: «E tahi ꞌapa ꞌiti-ꞌiti o te revaura he ahu tahi te haraoa». Pē ira takoꞌa ꞌana hai taŋata mau nō e tahi e hara nō meꞌe rahi nō atu nuꞌu.

1 Kōrinto 6:2

¿Kai ꞌite ꞌana ꞌō kōrua: pe muꞌa ka oho ena, mo tātou mo te nuꞌu haꞌataꞌa e te ꞌAtua e ture i te nuꞌu o te ao nei? ꞌE, mo ai pē ira, ¿e ko ravaꞌa mau ꞌō e kōrua ꞌi te hora nei mo haka riva-riva i te ture ꞌiti-ꞌiti e tahi?

1 Kōrinto 6:3

¿Kai ꞌite takoꞌa ꞌana ꞌō kōrua: pe muꞌa ka oho ena ꞌātā ki te merahi ka ture ena e tātou? ¿Pē hē ia ana taꞌe tano i a tātou mo ture i te meꞌe ꞌiti-ꞌiti o te ao nei?

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

1 Kōrinto 9:13

A kōrua e ꞌite rō ꞌana: te nuꞌu aŋa mo te ⌊Kona Haꞌamuri ꞌAtua⌋ mai ira e ravaꞌa era i te meꞌe mo rāua mo kai. Te auraꞌa: te kope aŋa ꞌi te kona tūtia ꞌanimare e kai era hai kiko o rā tūtia.

1 Kōrinto 9:24

Ko ꞌite ꞌana a kōrua: ꞌi te ꞌāꞌati tahuti, taꞌatoꞌa e tahuti ena, ꞌe ki te kope mau nō e tahi e topa ena te meꞌe vaꞌai ꞌo te tuꞌu raꞌe. Pē ira kōrua ana meꞌe ꞌi te ara o te ꞌAtua: e haka ꞌuhu e oho mo aŋa i te meꞌe haŋa o te ꞌAtua, pa he kope haka ꞌuhu mo rē i te ꞌāꞌati, ki topa atu ai ki a kōrua te meꞌe vaꞌai e ia.

2 Pētero 2:19

He kī nō te aŋa e tū ŋā maꞌori reo-reo ena: «Te nuꞌu oho mai a te ara o mātou ꞌina he kope mo kī pē hē a rāua ana haka tere». ꞌE te parautiꞌa, te ŋā maꞌori reo-reo nei he ꞌekaravo o te meꞌe taꞌe tano aŋa e rāua. Te taŋata taꞌatoꞌa, paꞌi, he ꞌekaravo o te meꞌe taꞌatoꞌa haka tere i a rāua.