Rōmano 6:15 - Rapa Nui

¹⁵ ¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 6:15 ပူးပေါင်းရင်းမြစ်များ

Ruka 20:16

He oho he tiŋaꞌi i rā nuꞌu he haka mate ꞌe he vaꞌai i rā henua ki te tētahi nuꞌu mo hāpaꞌo. I ŋaroꞌa era e te nuꞌu i rā vānaŋa he kī: —¡Pē hiva ꞌā ana taꞌe topa te meꞌe tuꞌu pē nā!

Rōmano 3:9

¿Pē hē ia te meꞌe nei? ¿ꞌAta hau hō tātou te hūrio ki te mata o te ꞌAtua ki te nuꞌu taꞌe he hūrio? Taꞌe pē ira. Nā ko haka ꞌite atu ꞌana pē nei ē: ka hūrio, ka taꞌe hūrio, taꞌatoꞌa nō he nuꞌu hara.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.