Rōmano 6:14 - Rapa Nui

¹⁴ Pē ira e ko ai haka ꞌou ꞌi ruŋa i a kōrua te pūai o te hara. Te kōrua ora, paꞌi, ꞌi te riva rahi o te ꞌAtua ꞌe taꞌe ꞌi te haꞌatura ki te ⌊haka tere iŋa ꞌa Mōtē⌋.

Rōmano 6:14 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 8:36

Mo haka eꞌa i a kōrua e te Poki o te ꞌAtua mai te rima o te meꞌe haka ꞌekaravo i a kōrua, he eꞌa mau rō ꞌai.

Rōmano 11:6

ꞌE, i ai ena hai riva rahi o te ꞌAtua i haꞌataꞌa ai i te itaraera māꞌana, taꞌe ia hai meꞌe i aŋa e rāua. ꞌĀhani, paꞌi, hai meꞌe i aŋa e rāua, taꞌe ia he meꞌe ꞌo te riva rahi o te ꞌAtua.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 5:17

Hai hara o te kope mau nō e tahi e mate ena te taŋata taꞌatoꞌa, ꞌe hai meꞌe aŋa e te taŋata mau nō e tahi ko Ietū Kiritō, e ai ena te meꞌe nui-nui. Hai ia, paꞌi, e ai ena, i te nuꞌu taꞌatoꞌa tano ki te mata o te ꞌAtua, te ora ꞌāpī ꞌina he hopeꞌa raꞌa hai riva rahi ōꞌona taꞌe e ꞌauhau, ꞌe a rāua ka haka tere ena ꞌi muri i a Ietū.

Rōmano 5:18

Hai meꞌe taꞌe tano aŋa e ꞌĀtamu i ai ai te ūtuꞌa ꞌi ruŋa i te taŋata taꞌatoꞌa, ꞌe hai meꞌe riva-riva aŋa e Ietū Kiritō i ai ai te rāveꞌa mo te taŋata taꞌatoꞌa mo kī e te ꞌAtua: «ꞌina rāua hape», ki ravaꞌa ai i te ora ꞌāpī ꞌina he hopeꞌa raꞌa.

Rōmano 6:12

ꞌO ira, ꞌina ko haꞌatiꞌa ki te hara mo haka aŋa mo oho nō atu i a kōrua hai meꞌe taꞌe tano pohe e te hakari.

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 8:12

ꞌO ira, e te taina ē, e ai rō ꞌana te tātou meꞌe mo aŋa, ꞌe rā meꞌe taꞌe he aŋa he oho i te meꞌe pohe nō e te hakari.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

Karatia 3:23

Hora era ꞌina kai tuꞌu mai ꞌā te rāveꞌa he haka moe i te manaꞌu ꞌi ruŋa i a Ietū mo tano te taŋata ki te mata o te ꞌAtua, e tuꞌu rō ꞌā a tātou pa he nuꞌu puru ꞌauario e te haka tere iŋa ꞌa Mōtē, tiaki ki te hora vaꞌai i te rāveꞌa he haka moe i te manaꞌu ꞌi ruŋa i a Ietū.

Karatia 4:21

Ka kī mai rā kōrua, e te nuꞌu haŋa mo maꞌu i te haka tere iŋa ꞌa Mōtē ē, ¿kai ŋaroꞌa ꞌana ꞌō e kōrua te meꞌe hāꞌaki ꞌi ruŋa i rā haka tere iŋa?

Karatia 5:18

Ka ai atu pē ira, mo haka rē o tātou mo haka tere mai e te Vārua Maitai, ꞌina he pūai toe o te haka tere iŋa ꞌa Mōtē ꞌi ruŋa i a tātou.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 8:10

Te haka tere iŋa ꞌāpī ka aŋa ena e au ananake ko te itaraera ꞌi rā mahana, ko te meꞌe nei: He ha-haꞌo e au i tāꞌaku roŋo ꞌi roto i te rāua manaꞌu, ꞌe he pāpaꞌi ꞌi roto i te rāua māhatu. He riro a au he ꞌAtua o rāua, ꞌe a rāua he taŋata ꞌāꞌaku.