Rōmano 6:13 - Rapa Nui

¹³ ꞌIna ko vaꞌai i te kōrua hakari ki te hara, ꞌo riro te hakari he meꞌe mo aŋa o te meꞌe taꞌe tano. Te meꞌe o kōrua mo aŋa, pa he taŋata ora haka ꞌou mai te mate, he vaꞌai i a kōrua ki te ꞌAtua mo haka tere atu, ꞌe te kōrua hakari pa he meꞌe mo aŋa o te meꞌe tī-tika ꞌi muꞌa ōꞌona.

Rōmano 6:13 ပူးပေါင်းရင်းမြစ်များ

Ruka 15:24

Tāꞌaku poki nei, paꞌi, i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”. »ꞌE he haꞌamata rō ꞌai te ŋoŋoro.

Ruka 15:32

E tano nō ꞌā i aŋa nei i te ŋoŋoro mo koa o tātou ꞌo te hoki haka ꞌou mai o tuꞌu taina. A ia i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”».

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:16

¿Kai ꞌite ꞌō kōrua pē nei ē: mo haꞌatura mo oho o kōrua ki te meꞌe e tahi, he riro kōrua he ꞌekaravo o rā meꞌe? He parautiꞌa te vānaŋa nei ka ai atu he hara ꞌo he ꞌAtua te meꞌe haꞌatura o kōrua. Te meꞌe nō, te hara he meꞌe maꞌu i a kōrua ki te mate, ꞌe te haꞌatura ki te ꞌAtua he meꞌe maꞌu i a kōrua mo haka tere hai meꞌe tī-tika.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

Rōmano 7:23

Ka ai atu pē ira, ꞌi roto i a au te meꞌe haka tātake i tōꞌoku manaꞌu riva-riva: he huru hara o roto ōꞌoku, maꞌu i a au pa he taŋata puru ꞌāꞌana.

Rōmano 7:5

Hora era ꞌi roto i te hara ꞌana a tātou, te aŋa o te haka tere iŋa ꞌa Mōtē he haka poreko ꞌi roto i a tātou rauhuru atu manaꞌu taꞌe tano, ꞌe te meꞌe mau nō i ravaꞌa mai rā ŋā meꞌe he mate.

1 Kōrinto 6:15

A kōrua ko ꞌite ꞌana: te kōrua hakari he ŋā kona ena o te hakari o Ietū. Iā. ¿E toꞌo mau rō ia a kōrua i te kona e tahi o te hakari o te ⌊Kiritō⌋ ꞌe he haka riro he kona o te hakari o te viꞌe taiꞌo? ¡ꞌIna!

1 Kōrinto 6:20

Ko ꞌauhau ꞌana, paꞌi, e ia i a tātou māꞌana ꞌi te hora mate era o Ietū ꞌi ruŋa i te tātaurō. ꞌO ira, te meꞌe taꞌatoꞌa aŋa e tātou hai hakari e takeꞌa e moꞌa rō ꞌana tātou i te ꞌAtua.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

2 Kōrinto 5:14

Te meꞌe haka tere, paꞌi, i a mātou he haŋa o te Kiritō mo tātou mo te taŋata mai te hora aŋi-aŋi: he kope mau nō e tahi te meꞌe i mate mo te taꞌatoꞌa ꞌe e tuꞌu rō ꞌā pa he meꞌe ena ē: taꞌatoꞌa nō i mate ai.

2 Kōrinto 5:15

Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

2 Kōrinto 8:5

ꞌE taꞌe he moni nō te meꞌe i vaꞌai mai e te nuꞌu nei, pa he meꞌe manaꞌu era e mātou. ꞌI raꞌe i vaꞌai ai i a rāua mo tāvini ki te ꞌAtua, ꞌe ki oti ki a mātou, pa he meꞌe haŋa o te ꞌAtua.

Ēfeto 2:5

ꞌe, ka ai atu a tātou pa he nuꞌu mate mo te meꞌe ꞌāꞌana ꞌo te noho o tātou ꞌi roto i te hara, i vaꞌai nō mai e te ꞌAtua i te ora ꞌāpī ꞌina he hopeꞌa raꞌa ꞌo te ai o tātou ꞌa Ietū Kiritō. (Hai riva rahi mau nō, paꞌi, o te ꞌAtua, ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa).

Ēfeto 5:14

O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».

Fīripo 1:20

Tāꞌaku meꞌe hopeꞌa o te haŋa he taꞌe aŋa ōꞌoku e tahi meꞌe ꞌo haꞌamā a au ꞌi muꞌa i a Ietū, ꞌe he vānaŋa he oho ōꞌoku o ruŋa i a ia hai pūai, pa he meꞌe nei e aŋa atu ena ki ꞌaŋarīnā, ki takeꞌa ai e te nuꞌu i te nui-nui o Ietū hai meꞌe taꞌatoꞌa aŋa ꞌe kī e au, ꞌo, ana haŋa te ꞌAtua, hai mate iŋa ōꞌoku.

Kōrosa 2:13

ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

2 Tētārōnika 2:12

ki haka ūtuꞌa ai e te ꞌAtua i te nuꞌu taꞌatoꞌa taꞌe haŋa mo ⌊haka moe i te manaꞌu⌋ ꞌi ruŋa i te roŋo parautiꞌa, nuꞌu haŋa mau nō mo aŋa i te meꞌe taꞌe tano.

2 Timoteo 2:15

E aŋa riva-riva koe i taꞌa aŋa, ki ai ai koe he taŋata tano ꞌe aŋa i te meꞌe tī-tika ꞌi muꞌa i te ꞌAtua, pa he taŋata ꞌina ōꞌona hape mo haꞌamā iŋa ꞌe, takoꞌa, hāpī riva-riva oho i te roŋo parautiꞌa o te ꞌAtua.

Tanatiako 4:1

E te taina, ¿ko ꞌite ꞌā a kōrua mai hē te ture ꞌe te tātake e ai ena ꞌi roto i a kōrua? Mai te haŋa ki te meꞌe taꞌe tano haka tātake oho i te manaꞌu.

1 Pētero 2:24

A Ietū i ꞌamo ai i te tātou hara ꞌi ruŋa i te tātaurō, ki haka rē ai a tātou i te aŋa i te meꞌe taꞌe tano, ꞌe ki tano ai te tātou noho iŋa ki te mata o te ꞌAtua. Hai ꞌamo e ia i te ꞌati i ora ai tātou.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Iovani 1:9

ꞌE mo kī o tātou ki te ꞌAtua i te tātou hara, he haka kore e ia, ꞌe he haka maꞌitaki i te meꞌe taꞌatoꞌa taꞌe tano o roto i te tātou māhatu, ꞌi te ai ōꞌona he ꞌAtua aŋa i te meꞌe tī-tika ꞌe haka tano i tāꞌana meꞌe kī.