Rōmano 6:10 - Rapa Nui

¹⁰ I mate ai, paꞌi, te Kiritō mo rē mau rō ꞌāvai ki te pūai o te hara, ꞌe, hora nei, tōꞌona ora iŋa ꞌāpī mo haka nui-nui mau nō i te ꞌAtua.

Rōmano 6:10 ပူးပေါင်းရင်းမြစ်များ

Ruka 20:38

¡Te ꞌAtua, paꞌi, he ꞌAtua o te nuꞌu ora; mōꞌona e ora tahi rō ꞌā!

Rōmano 6:11

ꞌE a kōrua, e manaꞌu pē nei ē: ko mate takoꞌa ꞌā i a kōrua te pūai o te hara, ꞌe te ora ꞌāpī o kōrua o te hora nei mo aŋa, hai Ietū Kiritō, i te meꞌe haŋa o te ꞌAtua.

Rōmano 6:9

E ꞌite takoꞌa rō ꞌana a tātou pē nei ē: i ai ena ko haka ora ꞌā e te ꞌAtua i a Ietū mai te mate, e ko mate haka ꞌou ia ki te hora hopeꞌa. ꞌIna he pūai toe o te mate ꞌi ruŋa i a ia.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

2 Kōrinto 5:15

Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

1 Pētero 4:6

ꞌE ki te taina ko mate ꞌā ꞌi te hora nei i haka ꞌite rō i te ⌊roŋo riva-riva o ruŋa i a Ietū⌋ ꞌi te hora era e ora nō ꞌā, mo ravaꞌa e te rāua vārua i te ora ꞌi muri i te ꞌAtua, ka ai atu ko mate ꞌana te rāua hakari taŋata, he ūtuꞌa mau ꞌā mo te taŋata taꞌatoꞌa.