Rōmano 5:20 - Rapa Nui

²⁰ Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 5:20 ပူးပေါင်းရင်းမြစ်များ

Māteo 20:9

»He tuꞌu ia te nuꞌu oꞌo ꞌi te hora pae o te ahi-ahi, ꞌe ki te taꞌatoꞌa i ꞌauhau ai hai moni o te mahana aŋa e tahi.

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Ruka 7:47

ꞌĪ a au he kī atu: te hara rahi o te viꞌe nei ko haka kore ꞌana, he rahi o tōꞌona haŋa mai. Te kope taꞌe rahi te hara haka kore, taꞌe rahi tōꞌona haŋa ki te ꞌAtua.

Iovani 10:10

»Te toke-toke e oho mai ena mo toke, mo tiŋaꞌi mo haka mate ꞌe mo tōtōā; ꞌe, a au i oho mai ai mo ravaꞌa e kōrua i te ora ꞌāpī ꞌina he hopeꞌa raꞌa, ꞌe mo noho o kōrua e koa rō ꞌā ꞌe e haꞌamaitai rō ꞌā e te ꞌAtua.

Iovani 15:22

»ꞌĀhani a au i taꞌe tuꞌu mai ꞌe i taꞌe haka ꞌite i te parautiꞌa, e ko ai te rāua hape ꞌo te hārui mai i a au ꞌe i tāꞌaku vānaŋa hai tuaꞌivi. ꞌE, hora nei, ꞌina he ꞌōtohe toe mo te rāua hara.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 6:1

¿He aha ia te tātou meꞌe mo kī? ¿He aŋa he oho mau rō ꞌai i te meꞌe taꞌe tano mo ꞌata haka takeꞌa mai o te ꞌAtua i tōꞌona riva rahi?

Rōmano 6:14

Pē ira e ko ai haka ꞌou ꞌi ruŋa i a kōrua te pūai o te hara. Te kōrua ora, paꞌi, ꞌi te riva rahi o te ꞌAtua ꞌe taꞌe ꞌi te haꞌatura ki te ⌊haka tere iŋa ꞌa Mōtē⌋.