Rōmano 5:16 - Rapa Nui

¹⁶ Te hara o ꞌĀtamu meꞌe kē, ꞌe te meꞌe vaꞌai mai e te ꞌAtua meꞌe kē. Te meꞌe i ravaꞌa mai te hara o ꞌĀtamu he kī iŋa o te ꞌAtua pē nei ē: «ko hape ꞌā te taŋata», ꞌe te meꞌe i ravaꞌa mai te meꞌe vaꞌai e te ꞌAtua, he rāveꞌa mo kī e ia: «ꞌina he hape», ka ai atu e rahi rō ꞌā te hara.

Rōmano 5:16 ပူးပေါင်းရင်းမြစ်များ

Māteo 6:14

»Mo haka rehu o kōrua i te meꞌe ꞌino aŋa atu e te rua, te kōrua Matuꞌa o te raŋi he haka rehu takoꞌa i te kōrua meꞌe taꞌe tano aŋa.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

1 Kōrinto 11:32

ꞌE mo haka ūtuꞌa mai, he meꞌe mo aŋi-aŋi e tātou, ꞌo haka ūtuꞌa rō i a tātou ꞌi muri i te nuꞌu o te ao taꞌe haka moe i te manaꞌu ꞌi ruŋa i a ia.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Tanatiako 2:10

Te kope haꞌatura oho ia ki te haka tere iŋa o te ꞌAtua, mo hape ꞌi te meꞌe nō e tahi, ko hape ꞌā ki te haka tere iŋa taꞌatoꞌa o te ꞌAtua.