Rōmano 5:13 - Rapa Nui

¹³ Ko ai era ꞌana te hara ꞌi te hora ꞌina kai ai ꞌā e tahi haka tere iŋa mo haꞌatura. Te meꞌe nō, ꞌina he tapa atu i te hara mo taꞌe ai o te haka tere iŋa kī i te hape ꞌe i te taꞌe hape o te taŋata.

Rōmano 5:13 ပူးပေါင်းရင်းမြစ်များ

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

1 Kōrinto 15:56

Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua.

1 Iovani 3:14

E ꞌite nei ko eꞌa ꞌana a tātou mai roto i te mate ꞌe ko oꞌo ꞌā ki roto i te ora he here o tātou ki te tātou taina. Te kope taꞌe haŋa ki tōꞌona taina kai eꞌa ꞌana mai te mate.

1 Iovani 3:4

Kope nō era mo hara, e hape ꞌā ki te haka tere iŋa o te ꞌAtua; te hara, paꞌi, he hape ki te haka tere iŋa o te ꞌAtua.