Rōmano 5:1 - Rapa Nui

¹ ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 5:1 ပူးပေါင်းရင်းမြစ်များ

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Ruka 19:42

He kī: «ꞌĀhani ꞌō ko ꞌite ꞌā a koe, ka ai atu ꞌi ꞌaŋarīnā, i te meꞌe mo vaꞌai atu i te haumārū. Hora nei ko naꞌa ꞌā e te ꞌAtua ꞌo tuꞌu taꞌe haŋa mai.

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 10:10

Pē nei te auraꞌa: hai haka moe parautiꞌa ōꞌou i te manaꞌu ꞌi ruŋa i a Ietū, te ꞌAtua he haka tano i a koe ki tōꞌona mata, ꞌe hai kī ōꞌou ꞌi muꞌa i te taŋata: a Ietū Kiritō he Pūꞌoko Haka Tere ōꞌou, he haka eꞌa e te ꞌAtua i a koe mai te ūtuꞌa o te hara ꞌe he vaꞌai atu i te ora ꞌāpī ꞌina he hopeꞌa raꞌa.

Rōmano 10:15

ꞌE ¿pē hē ana haka ꞌite ana oho i te roŋo riva-riva o te ꞌAtua mo ai ꞌina he uŋa i te kope mo haka ꞌite? E hāꞌaki rō ꞌana, paꞌi, ꞌi ruŋa i te Pāpaꞌi Moꞌa pē nei ē: «¡Ko te koa ꞌō i te meꞌe he tuꞌu mai o te nuꞌu e maꞌu rō ꞌana i te roŋo riva-riva o te ꞌAtua!».

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

Rōmano 15:33

Ka noho riva-riva kōrua, ꞌe mo te ꞌAtua, kope vaꞌai i te haumārū, e hokorua atu i a kōrua taꞌatoꞌa. ⌊ꞌĀmene⌋.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:30

E tahi mau nō, paꞌi, ꞌAtua, he ꞌAtua kī pē nei ē: te taŋata haka moe i te manaꞌu ꞌi ruŋa i a Ietū he taŋata tano ki tōꞌona mata, ka hore ꞌo ka taꞌe hore te kiri o te kinoŋa.

Rōmano 4:5

ꞌE te meꞌe he tano ki te mata o te ꞌAtua taꞌe pē ira. Te taŋata hara, paꞌi, ⌊haka moe i te manaꞌu⌋ ꞌi ruŋa i te ꞌAtua, hai riva rahi mau nō o te ꞌAtua e kī ena he kope tano ki tōꞌona mata ꞌe taꞌe ꞌō hai meꞌe aŋa e rā kope.

Rōmano 5:11

ꞌE, takoꞌa, e koa nei a tātou ꞌo te ai ꞌi te hora nei ꞌi roto i te haumārū e noho nei ananake ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 5:18

Hai meꞌe taꞌe tano aŋa e ꞌĀtamu i ai ai te ūtuꞌa ꞌi ruŋa i te taŋata taꞌatoꞌa, ꞌe hai meꞌe riva-riva aŋa e Ietū Kiritō i ai ai te rāveꞌa mo te taŋata taꞌatoꞌa mo kī e te ꞌAtua: «ꞌina rāua hape», ki ravaꞌa ai i te ora ꞌāpī ꞌina he hopeꞌa raꞌa.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

Rōmano 9:30

¿He aha ia te tātou meꞌe mo kī o ruŋa i te ŋā meꞌe taꞌatoꞌa nei? Hai haka moe i te manaꞌu ꞌi ruŋa i a Ietū, te ꞌAtua i haka tano ai ki tōꞌona mata i te nuꞌu taꞌe he hūrio, nuꞌu taꞌe kimi i te rāveꞌa mo tano o rāua ki tōꞌona mata.

Karatia 2:16

Ka ai atu pē ira, e ꞌite rō ꞌana e tātou ꞌina e tahi kope mo tano ki te mata o te ꞌAtua hai haꞌatura ki te haka tere iŋa ꞌa Mōtē. Hai haka moe mau nō i te manaꞌu ꞌi ruŋa i a Ietū ana tano te taŋata ki te mata o te ꞌAtua. ꞌO ira a mātou, te hūrio, e haka moe ena i te manaꞌu ꞌi ruŋa i a Ietū, mo tano o mātou ki te mata o te ꞌAtua hai meꞌe nei ꞌe taꞌe ꞌō hai haꞌatura ki te haka tere iŋa ꞌa Mōtē. ꞌIna, paꞌi, e tahi taŋata mo tano ki a ia hai haꞌatura ki rā haka tere iŋa.

Karatia 3:25

ꞌE, hora nei, ko tuꞌu mai ꞌā rā rāveꞌa era he haka moe i te manaꞌu ꞌi ruŋa i a Ietū mo tano o tātou ki te mata o te ꞌAtua, ꞌe ꞌina toe tātou he hāpaꞌo ꞌe he haka tika e te haka tere iŋa ꞌa Mōtē.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 2:7

Te meꞌe nei i aŋa ai e te ꞌAtua mo haka takeꞌa ki te nuꞌu taꞌatoꞌa, pe muꞌa ka oho ena, i te rahi o tōꞌona riva ꞌe o tōꞌona māhatu ꞌaroha mo tātou mo te nuꞌu ꞌa Ietū Kiritō.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

Kōrosa 1:20

ꞌE hai Ietū, hai toto tehe era ōꞌona ꞌi ruŋa i te tātaurō, te ꞌAtua i haka riva-riva haka ꞌou ai ki a ia i te meꞌe taꞌatoꞌa o te ao ꞌe o ruŋa i te raŋi ꞌava-ꞌava mai i a ia ꞌi te hara.

Kōrosa 3:15

ꞌE mo te haumārū vaꞌai e Ietū Kiritō e hāꞌūꞌū atu mo ꞌite o kōrua he aha te meꞌe tano mo aŋa. Te ꞌAtua ko haꞌataꞌa ꞌana i a kōrua i te nuꞌu haka moe i te manaꞌu ꞌi ruŋa i a Ietū mo riro e tahi mau nō hakari ꞌe mo noho o kōrua taꞌatoꞌa ꞌi roto i te haumārū. ꞌE, e ꞌite kōrua mo māuru-uru mo oho ki te ꞌAtua.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 3:16

ꞌE mo te tātou Pūꞌoko Haka Tere, i a ia te haumārū, e vaꞌai atu ki a kōrua i te haumārū ꞌi te taꞌatoꞌa nō hora. Ka ai a ia ꞌi muri i a kōrua taꞌatoꞌa.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,