Rōmano 4:21 - Rapa Nui

²¹ ꞌo te ꞌite riva-riva pē nei ē: i te ꞌAtua te pūai mo haka tano i tāꞌana meꞌe hōrea.

Rōmano 4:21 ပူးပေါင်းရင်းမြစ်များ

Māteo 19:26

He uꞌi riva-riva e Ietū ꞌe he pāhono: —E ko ravaꞌa, ki te hora hopeꞌa, e te kope e tahi mo haka eꞌa i a ia mau ꞌā mai roto i te ūtuꞌa o te hara. Mo te ꞌAtua mau nō e haka eꞌa. ꞌIna, paꞌi, e tahi meꞌe mo taꞌe ravaꞌa e ia mo aŋa.

Ruka 1:1

I rahi rō te nuꞌu i uꞌi mo pāpaꞌi i te tī-tika mau o te meꞌe i aŋa e Ietū ꞌi roto i te taŋata,

Ruka 1:37

Mo te ꞌAtua, paꞌi, ꞌina e tahi meꞌe mo taꞌe ravaꞌa mo aŋa.

Ruka 1:45

¡Ko te koa ꞌō i a koe e haka noho ena i te manaꞌu e topa tahi rō atu te meꞌe haka ꞌite atu era e te ꞌAtua!

Rōmano 14:4

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.

Rōmano 14:5

He haꞌaauraꞌa haka ꞌou nei e tahi: e ai rō ꞌana te nuꞌu manaꞌu e ai rō ꞌana te mahana ꞌata hau rō atu i te hauhaꞌa ki te tētahi mahana mo haꞌamuri ki te ꞌAtua, ꞌe e ai rō ꞌana te nuꞌu manaꞌu: taꞌatoꞌa mahana pē tū hauhaꞌa tahi ꞌā. Te meꞌe nō, e ꞌite riva-riva e te taꞌatoꞌa he aha mau te rāua meꞌe manaꞌu.

Rōmano 8:38

ꞌE hora nei, ko aŋi-aŋi riva-riva ꞌana e au pē nei ē: ꞌina e tahi meꞌe mo haka kore i te haŋa o te ꞌAtua mai ruŋa i a tātou. ꞌIna e ko haka kore e te mate ꞌe e te ora, e te merahi ꞌe e te tātane, e te meꞌe o te hora nei ꞌe e te meꞌe pe muꞌa ka oho ena,

2 Kōrinto 9:8

ꞌE i a ia te pūai mo haꞌamaitai hai rauhuru nō atu meꞌe ꞌo hape e tahi meꞌe o kōrua, ꞌe, ꞌi te rahi, he topa ꞌātā mo hāꞌūꞌū ki te tētahi.

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

ꞌEvereo 11:13

Te nuꞌu taꞌatoꞌa nei i mā-mate ai e haka moe nō ꞌana i te manaꞌu ꞌi ruŋa i te ꞌAtua, ka ai atu ꞌina kai ai hia ꞌā i a rāua te meꞌe hōrea era e te ꞌAtua. A rāua, paꞌi, e ꞌite rō ꞌana: pe muꞌa ka oho ena i a rāua rā ŋā meꞌe taꞌatoꞌa, ꞌe e koa rō ꞌā o ruŋa. ꞌE e aŋi-aŋi rō ꞌana ꞌe e kī rō ꞌana: te ao nei taꞌe he kāiŋa mau o rāua.

ꞌEvereo 11:19

He ꞌite o ꞌAparahama e ko taꞌe haka tano e te ꞌAtua i tāꞌana meꞌe kī, ꞌe i te ꞌAtua te pūai mo haka ora i te taŋata mai te mate, i aŋa ai i te meꞌe kī era e te ꞌAtua. Mōꞌona, paꞌi, he ravaꞌa haka ꞌou e ia i rā poki era ꞌāꞌana mai te mate.