Rōmano 4:18 - Rapa Nui

¹⁸ ꞌI te hora e tuꞌu rō ꞌā pa he meꞌe ena ē: ꞌina he rāveꞌa toe mo topa o tū meꞌe kī era e te ꞌAtua, i ꞌata haka hio-hio i oho nō a ꞌAparahama i tōꞌona manaꞌu ꞌi ruŋa i te ꞌAtua, ꞌe i ꞌata tiaki nō ki te mahana mo haka tano e te ꞌAtua i rā meꞌe hōrea era ki a ia. Pē ira i ai ai «he tupuna o te meꞌe rahi nō atu hau o te ao», pa he meꞌe kī e te ꞌAtua: «Pa he rahi ena ꞌā o te hetuꞌu o te raŋi te rahi o tuꞌu hakaara ka ai ena».

Rōmano 4:18 ပူးပေါင်းရင်းမြစ်များ

Ruka 1:18

He ꞌui e Taharia: —¿Pē hē a au ana aŋi-aŋi e topa rō mai te meꞌe ena? Ko korohuꞌa ꞌana a au, ꞌe ko rūꞌau ꞌā tāꞌaku viꞌe.

Aŋa o te ꞌĀpōtoro 27:25

ꞌO ira, e kuā hoa ē, ꞌina kōrua ko riꞌa-riꞌa. A au e haka moe rō ꞌā i tōꞌoku manaꞌu ꞌi ruŋa i te ꞌAtua ꞌe ko ꞌite riva-riva ꞌana e au: te meꞌe nei ka hopeꞌa ena pa he meꞌe kī mau mai era ꞌā e te merahi.

Rōmano 4:17

Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.

Rōmano 4:19

Ka ai atu ko hāhine ꞌā te hoꞌe hānere matahiti o ꞌAparahama ꞌe tāꞌana viꞌe ko ⌊Tara⌋ he paꞌa, kai ꞌaka-ꞌaka te manaꞌu.

Rōmano 5:5

ꞌE, ꞌi te ꞌata pūai o te tātou manaꞌu ꞌi ruŋa i te ꞌAtua, e ꞌite nei e tātou e ko taꞌe aŋa e ia i tāꞌana meꞌe kī. Ko haka takeꞌa mai ꞌana, paꞌi, i te rahi o tōꞌona haŋa hai vaꞌai mai i te ⌊Vārua Maitai⌋ mo ŋaroꞌa e tātou i rā haŋa ꞌi roto i te māhatu.

Rōmano 8:24

Ko te ŋā meꞌe nei te meꞌe tiaki e tātou mai te hora haka moe i te manaꞌu ꞌi ruŋa i a Ietū. ꞌĀhani i a tātou te ŋā meꞌe nei, ꞌina e ko tiaki haka ꞌou. ¿Ko ai, paꞌi, te kope tiaki ki te meꞌe ko ai era ꞌana?

ꞌEvereo 6:19

ꞌI te ꞌite o tātou i te ŋā meꞌe nei, e hio-hio nei te tātou manaꞌu, pa he haka hio-hio iŋa ena o te pahī e te ꞌaka, ꞌe he tuꞌu pa he meꞌe: ko oꞌo ꞌā tātou ki te kona era ꞌi ira te ꞌAtua ꞌi te raŋi, pa he oꞌo iŋa o te ⌊oromatuꞌa hopeꞌa o te ra-rahi⌋, ꞌi muꞌa ꞌā, ki te ⌊Kona ꞌAta Moꞌa⌋ puru era hai korotina.