Rōmano 4:17 - Rapa Nui

¹⁷ Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.

Rōmano 4:17 ပူးပေါင်းရင်းမြစ်များ

Māteo 3:9

ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Aŋa o te ꞌĀpōtoro 15:18

He vānaŋa nei o te ꞌAtua; ꞌāꞌana i haka ꞌite mai mai muꞌa ꞌā”.

Rōmano 3:29

Hai meꞌe nei e ꞌite ena: te ꞌAtua taꞌe nō o te hūrio, o te nuꞌu taꞌe he hūrio takoꞌa, te auraꞌa, te ꞌAtua o te taŋata taꞌatoꞌa o te ao.

Rōmano 4:18

ꞌI te hora e tuꞌu rō ꞌā pa he meꞌe ena ē: ꞌina he rāveꞌa toe mo topa o tū meꞌe kī era e te ꞌAtua, i ꞌata haka hio-hio i oho nō a ꞌAparahama i tōꞌona manaꞌu ꞌi ruŋa i te ꞌAtua, ꞌe i ꞌata tiaki nō ki te mahana mo haka tano e te ꞌAtua i rā meꞌe hōrea era ki a ia. Pē ira i ai ai «he tupuna o te meꞌe rahi nō atu hau o te ao», pa he meꞌe kī e te ꞌAtua: «Pa he rahi ena ꞌā o te hetuꞌu o te raŋi te rahi o tuꞌu hakaara ka ai ena».

Rōmano 4:2

ꞌĀhani hai meꞌe i aŋa e ꞌAparahama i kī ai e te ꞌAtua a ꞌAparahama he kope tano ki tōꞌona mata, e tano nō ia a ꞌAparahama mo haka paka i a ia, ka ai atu taꞌe ꞌi muꞌa o te ꞌAtua.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 9:11

ꞌE, ꞌi te hora kai poreko ꞌana rā ŋā poki ꞌe kai aŋa ꞌā i te meꞌe tano ꞌe i te meꞌe taꞌe tano, i haka ꞌite rō ai e te ꞌAtua ki a Rēveka pē nei ē: «Te ꞌatariki e tāvini rō ki te haŋupotu», he haka tano iŋa ki te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «I haŋa rahi rō a au ki a ⌊Hākovo⌋ ꞌe i taꞌe haŋa rō a au ki a ⌊Etaū⌋». Hai meꞌe nei e ꞌite nei e tātou e ai rō ꞌana te parau o te ꞌAtua mo haꞌataꞌa i te taŋata māꞌana tano ki tāꞌana meꞌe manaꞌu mo aŋa ꞌe ꞌina he tapa atu i te meꞌe aŋa e rāua.

Rōmano 9:26

ꞌE ꞌi te kona kī mau era ꞌā: “Taꞌe kōrua he taŋata ꞌāꞌaku”, ka kī ena: “He ŋā poki o te ꞌAtua ora a kōrua”».

1 Kōrinto 1:28

Te nuꞌu taꞌe haka au ꞌe taꞌe haŋa e te taŋata, te auraꞌa, te nuꞌu ꞌina e tahi hauhaꞌa, ki te rāua kī, ko te nuꞌu nei te nuꞌu i haꞌataꞌa e te ꞌAtua māꞌana, mo haka takeꞌa: te nuꞌu e hauhaꞌa rō ꞌā ki te mata o te taŋata, ki te mata o te ꞌAtua taꞌe pē ira.

1 Kōrinto 15:45

Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi.

1 Timoteo 6:13

E Timoteo, he kī atu au ꞌi muꞌa i te ꞌAtua, i a ia te ora o te meꞌe taꞌatoꞌa, ꞌe ꞌi muꞌa i a Ietū Kiritō, kī i te parautiꞌa ꞌi muꞌa o Pontio Pirato:

ꞌEvereo 11:12

Pē ira ꞌana a ꞌAparahama, ka ai atu ko korohuꞌa riva-riva ꞌana, i rahi nō tōꞌona hakaara pa he hetuꞌu ena ꞌā o te raŋi, ꞌe pa he ꞌone o te taha-taha tai e ko oti mo tataku.

ꞌEvereo 11:3

He haka moe o tātou i te manaꞌu ꞌi ruŋa i te ꞌAtua e ꞌite nei: hai vānaŋa era ꞌāꞌana i aŋa ai i te ao. Te meꞌe taꞌatoꞌa e tātou e takeꞌa ena i aŋa ai mai te meꞌe taꞌe takeꞌa.

ꞌEvereo 11:7

He haka moe o Nōē i te manaꞌu ꞌi ruŋa i te ꞌAtua i aŋa ai i te pahī ꞌo mate tāꞌana huaꞌai hora kī era e te ꞌAtua e topa rō te meꞌe kai takeꞌa hia ꞌā e te mata o te taŋata. ꞌE ꞌi tōꞌona haꞌatura ki te ꞌAtua i takeꞌa ai: te taŋata taꞌatoꞌa o rā hora e aŋa rō ꞌana i te meꞌe taꞌe tano, ꞌe e tano rō ꞌana mo haka ūtuꞌa e te ꞌAtua. ꞌE a Nōē i tano ai ki te mata o te ꞌAtua ꞌo te haka moe i tōꞌona manaꞌu ꞌi ruŋa i a ia.

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.

2 Pētero 3:8

E te taina, ꞌina takoꞌa ko rehu: te mahana e tahi, mo te ꞌAtua, pa he matahiti e hoꞌe taꞌutini, ꞌe te hoꞌe taꞌutini matahiti, pa he mahana e tahi mōꞌona.