Rōmano 4:16 - Rapa Nui

¹⁶ ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 4:16 ပူးပေါင်းရင်းမြစ်များ

Ruka 19:9

He kī e Ietū: —ꞌI ꞌaŋarīnā te nuꞌu o te hare nei i eꞌa ai mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua; te taŋata nei, ꞌi te huri ꞌe ꞌi te haka moe i tōꞌona manaꞌu ꞌi ruŋa i te ꞌAtua, i haka takeꞌa mai ai he hakaara mau ꞌā o ⌊ꞌAparahama⌋.

Rōmano 15:8

ꞌIna ko rehu i a kōrua: a Ietū i oho mai ai mo tāvini ki te ⌊hūrio⌋, mo tano o te hōrea vaꞌai era ki te mātou tupuna ꞌi muꞌa ꞌā, ꞌe mo haka takeꞌa: te ꞌAtua e haka tano rō ꞌana i tāꞌana hōrea.

Rōmano 3:22

hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:30

E tahi mau nō, paꞌi, ꞌAtua, he ꞌAtua kī pē nei ē: te taŋata haka moe i te manaꞌu ꞌi ruŋa i a Ietū he taŋata tano ki tōꞌona mata, ka hore ꞌo ka taꞌe hore te kiri o te kinoŋa.

Rōmano 4:11

Te parautiꞌa, ko kī era ꞌā te ꞌAtua i rā meꞌe i hore iho ai te kiri o te kinoŋa o ꞌAparahama, pa he tāpaꞌo o tū meꞌe kī era e te ꞌAtua o ruŋa i a ia. Pē ira a ꞌAparahama i ai ai he matuꞌa o te nuꞌu taꞌatoꞌa haka moe i te manaꞌu ꞌi ruŋa i te ꞌAtua, nuꞌu e tano takoꞌa rō ꞌā ki te mata o te ꞌAtua, ka ai atu kai hore te kiri o te kinoŋa.

Rōmano 5:1

ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 9:8

Pē ira ꞌana te ŋā poki o te ꞌAtua. Taꞌe taꞌatoꞌa taŋata he ŋā poki parautiꞌa ꞌāꞌana. Te ŋā poki parautiꞌa mau o te ꞌAtua he ŋā poki poreko mai tāꞌana hōrea, he nuꞌu haka moe i te manaꞌu ꞌi ruŋa i te meꞌe hōrea e ia, pa he poreko iŋa o Itaꞌata he haka moe o ⌊ꞌAparahama⌋ i tōꞌona manaꞌu ꞌi ruŋa i te hōrea kī e te ꞌAtua.

Karatia 3:14

Te meꞌe nei i topa ai mo ravaꞌa takoꞌa e te nuꞌu taꞌe he hūrio, hai Ietū Kiritō, i te haꞌamaitai hōrea e te ꞌAtua ki a ꞌAparahama, ꞌe mo ai ꞌi roto i a tātou taꞌatoꞌa, hai haka moe i te manaꞌu ꞌi ruŋa i a Ietū, te Vārua Maitai hōrea mai e te ꞌAtua.

Karatia 3:16

Pē ira takoꞌa te hōrea nei o te ꞌAtua, hōrea kī e te ꞌAtua ki a ꞌAparahama ꞌe ki tōꞌona hakaara. ꞌE te vānaŋa kī era e te ꞌAtua ki a ꞌAparahama «he hakaara», taꞌe mo te hakaara taꞌatoꞌa o ꞌAparahama, mo te hakaara mau nō era ōꞌona ko Ietū.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Ēfeto 2:5

ꞌe, ka ai atu a tātou pa he nuꞌu mate mo te meꞌe ꞌāꞌana ꞌo te noho o tātou ꞌi roto i te hara, i vaꞌai nō mai e te ꞌAtua i te ora ꞌāpī ꞌina he hopeꞌa raꞌa ꞌo te ai o tātou ꞌa Ietū Kiritō. (Hai riva rahi mau nō, paꞌi, o te ꞌAtua, ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa).

Ēfeto 2:8

ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

Tito 3:7

ki aŋi-aŋi riva-riva ai e tātou: pe muꞌa ka oho ena e ravaꞌa rō e tātou i te ora ꞌāpī ꞌina he hopeꞌa raꞌa vaꞌai e te ꞌAtua, pa he hauhaꞌa haka rē e te matuꞌa mo tāꞌana poki. ꞌE e ꞌite nei e tātou i nei meꞌe ꞌo te ai, ꞌi tōꞌona riva rahi, i kī ai e te ꞌAtua: a tātou he nuꞌu tano ki tōꞌona mata.

2 Pētero 1:10

ꞌO ira, e te taina ē, e vaꞌai tahi kōrua i a kōrua mo tano o te kōrua noho iŋa ki te mata o te ꞌAtua, ki takeꞌa ai e te nuꞌu: he parautiꞌa mau ꞌā a kōrua he nuꞌu haꞌataꞌa e te ꞌAtua māꞌana mo haka moe i te manaꞌu ꞌi ruŋa i a Ietū. Mo aŋa o kōrua pē ira, e ko haka tapa kōrua mai te ara parautiꞌa ki te hora hopeꞌa,