Rōmano 4:15 - Rapa Nui

¹⁵ Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 4:15 ပူးပေါင်းရင်းမြစ်များ

Iovani 15:22

»ꞌĀhani a au i taꞌe tuꞌu mai ꞌe i taꞌe haka ꞌite i te parautiꞌa, e ko ai te rāua hape ꞌo te hārui mai i a au ꞌe i tāꞌaku vānaŋa hai tuaꞌivi. ꞌE, hora nei, ꞌina he ꞌōtohe toe mo te rāua hara.

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 5:13

Ko ai era ꞌana te hara ꞌi te hora ꞌina kai ai ꞌā e tahi haka tere iŋa mo haꞌatura. Te meꞌe nō, ꞌina he tapa atu i te hara mo taꞌe ai o te haka tere iŋa kī i te hape ꞌe i te taꞌe hape o te taŋata.

1 Kōrinto 15:56

Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 3:19

¿Mo aha ia te haka tere iŋa ꞌa Mōtē? Te haka tere iŋa ꞌa Mōtē i vaꞌai mai ai e te ꞌAtua mo aŋi-aŋi e tātou taꞌatoꞌa e hara rō ꞌana a tātou. Te manaꞌu o te ꞌAtua: hai rā haka tere iŋa ana haka tika ana oho a tātou ꞌātā ki te tuꞌu iŋa mai o tū hakaara era ko Ietū Kiritō, he kope ꞌi ruŋa i a ia te hōrea kī era e te ꞌAtua ki a ꞌAparahama. E ko hape tātou mo kī i hau rō atu ꞌi te hauhaꞌa te meꞌe hōrea e te ꞌAtua ki te haka tere iŋa ꞌa Mōtē. Te haka tere iŋa nei hai merahi i uŋa mai ai, ꞌe a Mōtē i haka ꞌite ki te taŋata.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Kōrosa 3:6

ꞌI te ŋā meꞌe nei ka topa ena te ūtuꞌa taparahi-taꞌata o te ꞌAtua ꞌi ruŋa i te nuꞌu taꞌe haꞌatura ki a ia.

1 Iovani 3:4

Kope nō era mo hara, e hape ꞌā ki te haka tere iŋa o te ꞌAtua; te hara, paꞌi, he hape ki te haka tere iŋa o te ꞌAtua.

Meꞌe Haka Takeꞌa 19:15

Mai roto i te haha o rā kope e eꞌa era te hoe roa-roa kaꞌi-kaꞌi e tahi, ꞌe hai rā hoe ka rē ena ki te taŋata o te henua taꞌatoꞌa. ꞌI tōꞌona haka tere iŋa e haka ūtuꞌa rō i te nuꞌu taꞌatoꞌa taꞌe haꞌatura ki a ia, ꞌe e haka takeꞌa rō i te riri taparahi-taꞌata o te ꞌAtua hopeꞌa o te pūai mo te nuꞌu taꞌe haŋa ki a ia, pa he rei-rei iŋa ena i te vino mo te ꞌava.