Rōmano 4:1 - Rapa Nui

¹ Ka manaꞌu rā kōrua ki a ⌊ꞌAparahama⌋, tupuna o mātou o te ⌊hūrio⌋.

Rōmano 4:1 ပူးပေါင်းရင်းမြစ်များ

Māteo 3:9

ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Ruka 3:8

Ka haka tī-tika te kōrua noho iŋa ki takeꞌa riva-riva ai he parautiꞌa mau ꞌā ko ⌊huri ꞌana te kōrua manaꞌu ki te ꞌAtua⌋. ꞌE, e uꞌi ꞌo kī rō ꞌi roto i a kōrua ꞌā pē nei ē: “¡A mātou he hakaara o ⌊ꞌAparahama⌋; ꞌo ira e tano rō ꞌā a mātou ki te mata o te ꞌAtua!”. ꞌĪ a au he kī atu: te ꞌAtua e tano nō mo haka riro i te ŋā māꞌea nei he hakaara o ꞌAparahama.

Iovani 8:33

He pāhono e rā nuꞌu: —A mātou he hakaara o ⌊ꞌAparahama⌋, ꞌe ꞌina mātou kai ai ꞌā he ꞌekaravo. ¿Pē hē ia koe e kī mai ena he eꞌa a mātou mai te rima o te kope haka ꞌekaravo i a mātou?

Iovani 8:53

¿ꞌAta hau ꞌō koe ki te mātou matuꞌa ko ꞌAparahama? A ia, paꞌi, ko mate ꞌana; pē ira takoꞌa ꞌana te perofeta. ¿Ko ai ia koe e kī ena i te meꞌe tuꞌu pē nā?

Iovani 8:56

Te tupuna era o kōrua ko ꞌAparahama ko ꞌite ꞌā e uŋa rō mai i a au ki te ao nei ꞌe e tiaki era ki rā mahana hai koa.

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Rōmano 1:3

Te roŋo riva-riva nei o ruŋa o tāꞌana Poki ko Ietū Kiritō, he Pūꞌoko Haka Tere o tātou. I poreko ai mai te hakaara o ⌊Tāvita⌋, ꞌe hai ora iŋa haka ꞌou ōꞌona mai te mate, i haka aŋi-aŋi ai e te ⌊Vārua Maitai⌋ ki te taŋata: he Poki o te ꞌAtua ꞌe i a ia te pūai.

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 6:1

¿He aha ia te tātou meꞌe mo kī? ¿He aŋa he oho mau rō ꞌai i te meꞌe taꞌe tano mo ꞌata haka takeꞌa mai o te ꞌAtua i tōꞌona riva rahi?

Rōmano 7:7

¿Ka kī ꞌō te haka tere iŋa era ꞌa Mōtē meꞌe rake-rake? ¡Taꞌe pē ira! ꞌĀhani ꞌina he haka tere iŋa era ꞌa Mōtē, e ko ꞌite mai he aha te meꞌe he hara, te auraꞌa, e ko ꞌite mai he aha te meꞌe he nou-nou ꞌāhani i taꞌe haka ꞌite mai: «ꞌIna ko nou-nou».

Rōmano 8:31

ꞌIna ia he vānaŋa toe mo kī. I ai rō nei te ꞌAtua ꞌi te tātou pāꞌiŋa, ꞌina e tahi kope mo rē mai ki a tātou.

2 Kōrinto 11:22

¿He ⌊ꞌevereo⌋ a rāua? Pē ira takoꞌa ꞌana a au. ¿He itaraera a rāua? Pē ira ꞌana a au. ¿He hakaara a rāua o ⌊ꞌAparahama⌋? Pē ira takoꞌa ꞌana a au.

ꞌEvereo 12:9

E ŋā poki nō ꞌana a tātou, te matuꞌa o tātou o te ao nei e ture e haka tī-tika rō mai ꞌana, ꞌe he moꞌa e tātou. ¿He aha ia a tātou ana taꞌe haka rē mo haka tere mai i a tātou e te tātou Matuꞌa o te raŋi, ki riro ai te tātou noho iŋa noho iŋa riva-riva, haꞌamaitai e ia?