Rōmano 3:9 - Rapa Nui

⁹ ¿Pē hē ia te meꞌe nei? ¿ꞌAta hau hō tātou te hūrio ki te mata o te ꞌAtua ki te nuꞌu taꞌe he hūrio? Taꞌe pē ira. Nā ko haka ꞌite atu ꞌana pē nei ē: ka hūrio, ka taꞌe hūrio, taꞌatoꞌa nō he nuꞌu hara.

Rōmano 3:9 ပူးပေါင်းရင်းမြစ်များ

Ruka 7:39

I takeꞌa era e tū taŋata fariseo era, tē rā ka manaꞌu: «ꞌĀhani te kope era he perofeta, ko aŋi-aŋi ꞌana: te viꞌe era he viꞌe hara».

Rōmano 1:18

Mai te raŋi ꞌā te ꞌAtua e haka ꞌite mai ena i tōꞌona riri mo te taŋata aŋa i te meꞌe taꞌe tano, he nuꞌu hai meꞌe taꞌe tano aŋa e rāua e naꞌa ena i te parautiꞌa ꞌo ꞌite e te taŋata.

Rōmano 11:32

Te ꞌAtua ia ꞌi te haŋa mo haka takeꞌa i tōꞌona haka ꞌaroha ꞌe i tōꞌona riva rahi ꞌi ruŋa i te taŋata taꞌatoꞌa, ko haka ꞌite mai ꞌana pē nei ē: ka hūrio ꞌe ka taꞌe hūrio, taꞌatoꞌa he nuꞌu taꞌe haꞌatura ki a ia.

Rōmano 11:7

¿He aha ia te auraꞌa o te meꞌe taꞌatoꞌa nei? Te auraꞌa: te rahi raꞌa o te itaraera ꞌina kai ravaꞌa i te rāua meꞌe kimi: he tano o rāua ki te mata o te ꞌAtua. O te nuꞌu itaraera haꞌataꞌa e te ꞌAtua māꞌana i ravaꞌa. ꞌE tū rahi raꞌa era o te itaraera ko haka hio-hio ꞌā e te ꞌAtua i te rāua manaꞌu.

Rōmano 2:1

ꞌO ira ꞌina he ꞌōtohe toe mōꞌou, e te kope tuhi i te hape o te rua ē, ka ai nō atu ko ai koe. Mo tuhi ōꞌou i te hape o te tētahi, e tuhi takoꞌa ꞌana koe i tuꞌu hape; te meꞌe aŋa, paꞌi, e rā nuꞌu, e aŋa takoꞌa rō ꞌana e koe.

Rōmano 3:1

Mo ai pē ira, ¿he aha ia te meꞌe riva-riva o te ai he ⌊hūrio⌋ ꞌe o te hore i te kiri o te kinoŋa?

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 7:14

A tātou e ꞌite rō ꞌana: te haka tere iŋa ꞌa Mōtē meꞌe riva-riva, he meꞌe vaꞌai e te Vārua o te ꞌAtua. ꞌE a au pa he taŋata ꞌina ōꞌoku pūai ꞌi muꞌa o te hara. E tuꞌu rō ꞌana a au pa he ꞌekaravo o te hara.

1 Kōrinto 10:19

Mo ai pē ira, ¿ko tū meꞌe ꞌana hō mo te nuꞌu kai i te kai tūtia ki te ꞌītoro? ꞌIna. Te ꞌītoro, paꞌi, ꞌe te kai tūtia ki a ia ꞌina e tahi ōꞌona hauhaꞌa.

1 Kōrinto 14:15

¿He aha ia te tātou meꞌe mo aŋa? He pure hai pūai o te Vārua Maitai, ꞌe he pure takoꞌa mo aŋi-aŋi e te taꞌatoꞌa. He hīmene hai pūai o te Vārua Maitai, ꞌe he hīmene takoꞌa hai hīmene mo aŋi-aŋi e te taꞌatoꞌa.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Fīripo 1:18

Nōatu. Mo ai he parautiꞌa te rāua meꞌe hāpī, ko te koa iŋa ꞌana a au, ka ai hai māhatu ꞌo taꞌe hai māhatu e hāpī ena. Te meꞌe hauhaꞌa, paꞌi, ko te haka ꞌite ko te oho iŋa ꞌana o ruŋa i a Ietū. ꞌE, koa riꞌa-riꞌa au