Rōmano 3:8 - Rapa Nui

⁸ ꞌE, mo ai pē ira, ¿he aha ia ana taꞌe aŋa i te meꞌe taꞌe tano ki ai ai te meꞌe riva-riva?». O ruŋa i te kī iŋa nei te tētahi nuꞌu e vānaŋa taꞌe tano ena mōꞌoku. Pē nei e kī ena: ꞌāꞌaku te hāpī pē ira. Te nuꞌu ena ko tano riva-riva ꞌā mo haka ūtuꞌa e te ꞌAtua.

Rōmano 3:8 ပူးပေါင်းရင်းမြစ်များ

Māteo 5:11

»Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 6:1

¿He aha ia te tātou meꞌe mo kī? ¿He aŋa he oho mau rō ꞌai i te meꞌe taꞌe tano mo ꞌata haka takeꞌa mai o te ꞌAtua i tōꞌona riva rahi?

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 7:7

¿Ka kī ꞌō te haka tere iŋa era ꞌa Mōtē meꞌe rake-rake? ¡Taꞌe pē ira! ꞌĀhani ꞌina he haka tere iŋa era ꞌa Mōtē, e ko ꞌite mai he aha te meꞌe he hara, te auraꞌa, e ko ꞌite mai he aha te meꞌe he nou-nou ꞌāhani i taꞌe haka ꞌite mai: «ꞌIna ko nou-nou».

2 Kōrinto 11:15

ꞌE mo aŋa o Rukifero i te meꞌe tuꞌu pē ira, taꞌe ia he meꞌe mo māere te haka tuꞌu o te nuꞌu aŋa ki a ia pa he nuꞌu tano aŋa ki te ꞌAtua. Te meꞌe ka topa ena ki te nuꞌu pē nei he ūtuꞌa tano ki te rāua meꞌe aŋa.

2 Kōrinto 6:8

E ai rō ꞌā te nuꞌu haka nui-nui i a mātou, ꞌe te nuꞌu parauꞌino mai. E ai rō ꞌā te nuꞌu vānaŋa riva-riva ꞌe te nuꞌu vānaŋa rake-rake o ruŋa i a mātou. A rāua he kī nō mai te aŋa i te mātou reo-reo, ka ai atu he parautiꞌa te mātou meꞌe kī.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.