Rōmano 3:4 - Rapa Nui

⁴ Taꞌe pē ira. Te ꞌAtua e aŋa ena i tāꞌana meꞌe taꞌatoꞌa hai parautiꞌa, ka ai atu he reo-reo nō te aŋa o te taŋata taꞌatoꞌa. ꞌE nā ꞌi ruŋa i te ⌊Pāpaꞌi Moꞌa⌋ e kī ena mo te ꞌAtua: «E kī rō e te taŋata: taꞌa vānaŋa he parautiꞌa ꞌe, ꞌi te hora o te ture, i a koe te rē».

Rōmano 3:4 ပူးပေါင်းရင်းမြစ်များ

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Ruka 20:16

He oho he tiŋaꞌi i rā nuꞌu he haka mate ꞌe he vaꞌai i rā henua ki te tētahi nuꞌu mo hāpaꞌo. I ŋaroꞌa era e te nuꞌu i rā vānaŋa he kī: —¡Pē hiva ꞌā ana taꞌe topa te meꞌe tuꞌu pē nā!

Iovani 3:33

Te taŋata haka roŋo ki a ia he ꞌite: he aŋi mau ꞌana te vānaŋa o te ꞌAtua.

Rōmano 11:1

He ꞌui haka ꞌou nei: ¿Ko hārui ꞌana hō te ꞌAtua i te itaraera hai tuaꞌivi? ꞌIna. A au mau nei ꞌā, paꞌi, he itaraera, he hakaara o ⌊ꞌAparahama⌋ o te mata o ⌊Mēhāmina⌋.

Rōmano 11:11

Tāꞌaku ꞌui ia: i hara era te ⌊hūrio⌋ ꞌi te taꞌe ⌊haka moe i te manaꞌu⌋ ꞌi ruŋa i a Ietū, ¿he kore rō ꞌāvai te rāveꞌa mo tano o rāua ki te mata o te ꞌAtua? Taꞌe pē ira. ꞌI te taꞌe haꞌatura o te hūrio i ravaꞌa ai e te nuꞌu taꞌe he hūrio mo eꞌa mai te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. Te meꞌe nei i aŋa ai e te ꞌAtua ki mākota ai ꞌe ki haŋa ai te hūrio mo ravaꞌa takoꞌa e rāua i te ora ꞌāpī ꞌina he hopeꞌa raꞌa.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

Rōmano 6:15

¿He aha ia te tātou meꞌe mo aŋa ꞌi te hora nei? ¿He hara he oho rō ꞌai ꞌi te ai o te tātou ora ꞌi te riva rahi o te ꞌAtua ꞌe taꞌe ꞌi te haꞌatura ki te haka tere iŋa ꞌa Mōtē? ¡Taꞌe pē ira!

Rōmano 6:2

¡Taꞌe pē ira! Ko mate ꞌā i a tātou te hara. ¿He aha ia a tātou ana noho nō ꞌi roto i te hara?

Rōmano 7:13

¿Te kī ia: o te meꞌe riva-riva nei i maꞌu i a au ki te mate? ¡Taꞌe pē ira! O te huru hara o tātou te maꞌu i a tātou ki te mate, ꞌe i meꞌe ai hai meꞌe riva-riva. Hai haka tere iŋa, paꞌi, ꞌa Mōtē e aŋi-aŋi ena i te taparahi-taꞌata o te meꞌe ena he hara.

Rōmano 7:7

¿Ka kī ꞌō te haka tere iŋa era ꞌa Mōtē meꞌe rake-rake? ¡Taꞌe pē ira! ꞌĀhani ꞌina he haka tere iŋa era ꞌa Mōtē, e ko ꞌite mai he aha te meꞌe he hara, te auraꞌa, e ko ꞌite mai he aha te meꞌe he nou-nou ꞌāhani i taꞌe haka ꞌite mai: «ꞌIna ko nou-nou».

Rōmano 9:14

I ai ena pē ira, ¿ka kī ꞌō e aŋa ꞌana te ꞌAtua i te meꞌe taꞌe tano? ¡Taꞌe pē ira!

1 Kōrinto 6:15

A kōrua ko ꞌite ꞌana: te kōrua hakari he ŋā kona ena o te hakari o Ietū. Iā. ¿E toꞌo mau rō ia a kōrua i te kona e tahi o te hakari o te ⌊Kiritō⌋ ꞌe he haka riro he kona o te hakari o te viꞌe taiꞌo? ¡ꞌIna!

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

Karatia 2:17

Te meꞌe nō, ꞌi te kimi iŋa o mātou mo tano ki te mata o te ꞌAtua hai haka moe i te manaꞌu ꞌi ruŋa i a Ietū e kī ena e te tētahi nuꞌu hūrio pē nei ē: he nuꞌu hara a mātou ꞌo te taꞌe haꞌatura tahi i te haka tere iŋa ꞌa Mōtē. ¿Te kī hō, a Ietū te uŋa i te taŋata ki roto i te hara? Taꞌe pē ira.

Karatia 2:21

Kai taꞌe haka hauhaꞌa a au i te riva rahi o te ꞌAtua pa he nuꞌu era. Mo ai rō, paꞌi, hai haꞌatura ki te haka tere iŋa ꞌa Mōtē e tano ena te taŋata ki te mata o te ꞌAtua, i mate tahaŋa nō ia a Ietū.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

1 Iovani 5:10

Te kope haka moe i tōꞌona manaꞌu ꞌi ruŋa i te Poki o te ꞌAtua e ꞌite mau rō ꞌana ꞌi roto i tōꞌona māhatu a Ietū he Poki o te ꞌAtua. ꞌE te kope taꞌe haka moe i tōꞌona manaꞌu ꞌi ruŋa i te meꞌe kī e te ꞌAtua e kī ꞌana i te reo-reo o te ꞌAtua, he taꞌe haka roŋo i te vānaŋa o te ꞌAtua o ruŋa o tāꞌana Poki.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki: