Rōmano 3:25 - Rapa Nui

^25-26 I uŋa mai ai, paꞌi, e te ꞌAtua i te ⌊Kiritō⌋ pa he tūtia mo haka kore i tōꞌona riri mo te tātou hara hai toto tehe era ꞌi ruŋa i te tātaurō. ꞌE, hai haka moe i te manaꞌu ꞌi ruŋa i te meꞌe aŋa era e te Kiritō, e haka kore ena e te ꞌAtua i te tātou hara. Hai meꞌe nei i haŋa ai te ꞌAtua mo haka aŋi-aŋi mai: a ia kope aŋa i te meꞌe tī-tika. Hora era kai tuꞌu mai ꞌana te Kiritō, kai tapa atu e te ꞌAtua i te hara o te taŋata, ꞌe i tuꞌu rō pa he meꞌe ena ē: ꞌina he tano tāꞌana meꞌe aŋa. I aŋa ai pē ira ꞌo te ai a ia kope ꞌite i te haꞌaoromaꞌi, ꞌe i haꞌaoromaꞌi ai i te hara o rā nuꞌu ꞌātā ki te hora mo ꞌamo e Ietū i te hara o te taꞌatoꞌa. Pē ira e ꞌite nei: te ꞌAtua he kope aŋa i te meꞌe tano, ꞌe e tano rō ꞌā a ia mo kī: te nuꞌu taꞌatoꞌa haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Rōmano 3:25 ပူးပေါင်းရင်းမြစ်များ

Iovani 6:47

ꞌĪ a au he kī atu: te nuꞌu haka moe i te manaꞌu ꞌi ruŋa i a au i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 14:16

»ꞌI te hora tuai era te ꞌAtua i haka rē nō i te taŋata mo uꞌi i te rāua ara i haŋa.

Aŋa o te ꞌĀpōtoro 15:18

He vānaŋa nei o te ꞌAtua; ꞌāꞌana i haka ꞌite mai mai muꞌa ꞌā”.

Aŋa o te ꞌĀpōtoro 17:30

Ko haka rehu ꞌā e te ꞌAtua te meꞌe aŋa e te taŋata ꞌi muꞌa ꞌā, he taꞌe aŋi-aŋi e rāua. ꞌE, hora nei, ꞌī e haka ꞌite ꞌā i tāꞌana roŋo ki te taŋata ꞌi te kona taꞌatoꞌa mo huri o te manaꞌu ki a ia ꞌe mo haka rē i te rāua ara taꞌe tano.

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.

Aŋa o te ꞌĀpōtoro 3:18

Pē ira te ꞌAtua i haka tano ai i te meꞌe kī ꞌi muꞌa ꞌā ki tāꞌana perofeta taꞌatoꞌa mo haka ꞌite: tāꞌana Kiritō e mate rō.

Aŋa o te ꞌĀpōtoro 4:28

Hai rā meꞌe i haka tano ai a rāua i te meꞌe taꞌatoꞌa kī e koe mo topa.

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

Rōmano 5:1

ꞌI te ai o tātou ꞌi te hora nei he taŋata tano ki te mata o te ꞌAtua ꞌo te ⌊haka moe i te manaꞌu⌋ ꞌi ruŋa i a Ietū, e riva-riva nei a tātou ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 5:11

ꞌE, takoꞌa, e koa nei a tātou ꞌo te ai ꞌi te hora nei ꞌi roto i te haumārū e noho nei ananake ko te ꞌAtua hai meꞌe aŋa era e te tātou Pūꞌoko Haka Tere ko Ietū Kiritō.

Rōmano 5:18

Hai meꞌe taꞌe tano aŋa e ꞌĀtamu i ai ai te ūtuꞌa ꞌi ruŋa i te taŋata taꞌatoꞌa, ꞌe hai meꞌe riva-riva aŋa e Ietū Kiritō i ai ai te rāveꞌa mo te taŋata taꞌatoꞌa mo kī e te ꞌAtua: «ꞌina rāua hape», ki ravaꞌa ai i te ora ꞌāpī ꞌina he hopeꞌa raꞌa.

Rōmano 5:9

Mo ai hai Ietū Kiritō ꞌe hai haka moe o tātou i te manaꞌu ꞌi ruŋa i te meꞌe aŋa era e ia mo tātou ꞌi ruŋa i te tātaurō i kī ai e te ꞌAtua e tano rō ꞌana a tātou ki tōꞌona mata, e ꞌite riva-riva nei: hai ia ka eꞌa ena tātou mai roto i te ūtuꞌa o te hara ꞌi te hora o te haka ūtuꞌa.

1 Kōrinto 5:7

Te meꞌe haŋa he toꞌo mai roto i a kōrua i te revaura ena, ki ai ai a kōrua he nūnaꞌa taŋata ꞌina e tahi kope hara o roto, pa he haraoa aŋa iho taꞌe hoa hai revaura. A kōrua, paꞌi, he haraoa kai ꞌi te ⌊Pakate⌋ ꞌina he hoa hai revaura, he nuꞌu ꞌina e tahi hara ꞌo te ⌊haka moe i te manaꞌu⌋ ꞌi ruŋa i a Ietū. E manaꞌu: a Ietū he māmoe o te Pakate tūtia mo haka eꞌa i a tātou mai roto i te hara.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 2:13

ꞌE hora nei, ꞌi te ai o kōrua ꞌa Ietū Kiritō, ko haka hāhine ꞌana e te ꞌAtua i a kōrua ki a ia hai toto tehe era o Ietū ꞌi ruŋa i te tātaurō.

1 Timoteo 1:15

Te vānaŋa ena e kī ena: a Ietū Kiritō i tuꞌu mai ai ki te ao mo haka eꞌa i te nuꞌu mai roto i te ūtuꞌa o te hara, he parautiꞌa, ꞌe te taŋata taꞌatoꞌa e haka noho i te rāua manaꞌu ꞌi ruŋa. ꞌE o te nuꞌu hara, ko au te ꞌata taparahi-taꞌata.

ꞌEvereo 10:4

Te toto, paꞌi, o te puaꞌa ꞌe o te vato-vato e ko haka kore i te hara o te taŋata.

ꞌEvereo 11:14

Te nuꞌu kī era pē ira e haka ꞌite mai ꞌana ko te kimi ko te oho iŋa ꞌana i te kāiŋa mo rāua.

ꞌEvereo 11:17

He haka moe o ꞌAparahama i te manaꞌu ꞌi ruŋa i te ꞌAtua i maꞌu ai i tāꞌana poki ko Itaꞌata mo vaꞌai pa he tūtia hora haka ꞌatu era i a ia e te ꞌAtua. Te haŋa o ꞌAparahama he haka tano i te meꞌe uŋa era mo aŋa, ka ai atu e tahi mau nō ꞌāꞌana poki ꞌe ko hōrea ꞌana e te ꞌAtua:

ꞌEvereo 11:7

He haka moe o Nōē i te manaꞌu ꞌi ruŋa i te ꞌAtua i aŋa ai i te pahī ꞌo mate tāꞌana huaꞌai hora kī era e te ꞌAtua e topa rō te meꞌe kai takeꞌa hia ꞌā e te mata o te taŋata. ꞌE ꞌi tōꞌona haꞌatura ki te ꞌAtua i takeꞌa ai: te taŋata taꞌatoꞌa o rā hora e aŋa rō ꞌana i te meꞌe taꞌe tano, ꞌe e tano rō ꞌana mo haka ūtuꞌa e te ꞌAtua. ꞌE a Nōē i tano ai ki te mata o te ꞌAtua ꞌo te haka moe i tōꞌona manaꞌu ꞌi ruŋa i a ia.

ꞌEvereo 9:28

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

ꞌEvereo 9:5

ꞌI ruŋa i rā ꞌavahata e rua meꞌe tuꞌu pa he merahi e haka roa-roa rō ꞌā te karā a ruŋa i te puꞌa, he tāpaꞌo pē nei ē: ꞌai ira te ꞌAtua. O ruŋa i te ŋā meꞌe nei o roto o te karapā he oti ꞌā tāꞌaku meꞌe mo kī atu.

1 Iovani 1:10

ꞌE mo kī o tātou ꞌina a tātou kai hara, e kī ꞌana ia a tātou i te reo-reo o te ꞌAtua, ꞌe ꞌina a tātou he haŋa parautiꞌa ki tāꞌana vānaŋa.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,