Rōmano 3:22 - Rapa Nui

²² hai ⌊haka moe i te manaꞌu⌋ ꞌi ruŋa i a Ietū Kiritō. Mo te ꞌAtua taꞌatoꞌa taŋata haka moe i te manaꞌu ꞌi ruŋa i a Ietū he taŋata tano ki tōꞌona mata. Mōꞌona te nuꞌu, ka hūrio ka taꞌe hūrio, ko tū meꞌe ꞌā:

Rōmano 3:22 ပူးပေါင်းရင်းမြစ်များ

Ruka 15:22

»ꞌI rā hora mau ꞌā he kī e rā matuꞌa ki tōꞌona tāvini: “Ka hōrou, ka maꞌu mai te kahu hopeꞌa o te riva-riva ꞌai ka haka uru rō; ka huki takoꞌa e tahi tāpeꞌa ki te rima ꞌe ꞌai ka haka uru rō hai kirivaꞌe.

Aŋa o te ꞌĀpōtoro 11:12

O te ⌊Vārua Maitai⌋ i kī mai: “ꞌIna ko ꞌaka-ꞌaka tuꞌu manaꞌu. Ka oho koe ꞌi muri i te ŋāŋata ena”. I oho rō atu ꞌi muri i a au te ŋā taina nei hoko ono. »I tuꞌu era ki Tētārea he uru a mātou ki roto i te hare o te taŋata ꞌāꞌana i uŋa atu ki a au.

Aŋa o te ꞌĀpōtoro 15:9

Mōꞌona te nuꞌu taꞌe he hūrio pē tātou ꞌā. Ko haka maꞌitaki ꞌana e ia i te rāua māhatu pa he haka maꞌitaki iŋa mai era i a tātou ꞌo te haka moe i te manaꞌu ꞌi ruŋa i a Ietū.

Aŋa o te ꞌĀpōtoro 3:16

Te meꞌe i haka ora i te taŋata takeꞌa ena e kōrua he ⌊haka moe i te manaꞌu⌋ ꞌi ruŋa i a Ietū. ꞌE, ꞌo te haka moe i te manaꞌu ꞌi ruŋa i a Ietū, i ora tahi ai tōꞌona māui-ui, pa he meꞌe takeꞌa ena e kōrua.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 10:12

Te meꞌe nei taꞌe mo te nuꞌu ⌊hūrio⌋ nō, mo te nuꞌu taꞌe he hūrio takoꞌa. A Ietū, paꞌi, he Pūꞌoko Haka Tere o te taꞌatoꞌa, ꞌe tōꞌona riva rahi ꞌi ruŋa i te taŋata taꞌatoꞌa ani ki a ia.

Rōmano 10:4

Te haŋa: he haka tano e te ꞌAtua i a rāua ki tōꞌona mata hai haꞌatura o rāua ki te ⌊haka tere iŋa ꞌa Mōtē⌋. ꞌE te parautiꞌa mau, hai tuꞌu iŋa mai era o Ietū Kiritō i kore ai te hauhaꞌa o te meꞌe ena he haꞌatura ki rā haka tere iŋa mo tano o te taŋata ki te mata o te ꞌAtua. Hora nei taŋata nō era mo ⌊haka moe i te manaꞌu⌋ ꞌi ruŋa i a Ietū e tano rō ꞌā ki te mata o te ꞌAtua.

Rōmano 2:1

ꞌO ira ꞌina he ꞌōtohe toe mōꞌou, e te kope tuhi i te hape o te rua ē, ka ai nō atu ko ai koe. Mo tuhi ōꞌou i te hape o te tētahi, e tuhi takoꞌa ꞌana koe i tuꞌu hape; te meꞌe aŋa, paꞌi, e rā nuꞌu, e aŋa takoꞌa rō ꞌana e koe.

Rōmano 3:30

E tahi mau nō, paꞌi, ꞌAtua, he ꞌAtua kī pē nei ē: te taŋata haka moe i te manaꞌu ꞌi ruŋa i a Ietū he taŋata tano ki tōꞌona mata, ka hore ꞌo ka taꞌe hore te kiri o te kinoŋa.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Rōmano 9:30

¿He aha ia te tātou meꞌe mo kī o ruŋa i te ŋā meꞌe taꞌatoꞌa nei? Hai haka moe i te manaꞌu ꞌi ruŋa i a Ietū, te ꞌAtua i haka tano ai ki tōꞌona mata i te nuꞌu taꞌe he hūrio, nuꞌu taꞌe kimi i te rāveꞌa mo tano o rāua ki tōꞌona mata.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

Karatia 2:16

Ka ai atu pē ira, e ꞌite rō ꞌana e tātou ꞌina e tahi kope mo tano ki te mata o te ꞌAtua hai haꞌatura ki te haka tere iŋa ꞌa Mōtē. Hai haka moe mau nō i te manaꞌu ꞌi ruŋa i a Ietū ana tano te taŋata ki te mata o te ꞌAtua. ꞌO ira a mātou, te hūrio, e haka moe ena i te manaꞌu ꞌi ruŋa i a Ietū, mo tano o mātou ki te mata o te ꞌAtua hai meꞌe nei ꞌe taꞌe ꞌō hai haꞌatura ki te haka tere iŋa ꞌa Mōtē. ꞌIna, paꞌi, e tahi taŋata mo tano ki a ia hai haꞌatura ki rā haka tere iŋa.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Ēfeto 3:12

ꞌE hora nei, ꞌo te ai o tātou ꞌa Ietū Kiritō ꞌe ꞌo te haka moe o tātou i te manaꞌu ꞌi ruŋa i a ia, e riva nei tātou mo pure mo haka hāhine ki te ꞌAtua ꞌina he riꞌa-riꞌa.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

Tanatiako 2:23

Pē ira i tano ai te meꞌe kī ꞌi ruŋa i te Pāpaꞌi Moꞌa: «A ꞌAparahama i haka moe rō i tōꞌona manaꞌu ꞌi ruŋa i te ꞌAtua. ꞌO ira te ꞌAtua i kī ai he taŋata tano ꞌi muꞌa i a ia, ꞌe he repahoa ōꞌona».