Rōmano 3:2 - Rapa Nui

² Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

Rōmano 3:2 ပူးပေါင်းရင်းမြစ်များ

Iovani 5:39

He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Rōmano 1:2

haka ꞌite ꞌi muꞌa ꞌā ki tāꞌana perofeta mo pāpaꞌi ꞌi ruŋa i te ⌊Pāpaꞌi Moꞌa⌋.

Rōmano 2:18

ꞌe e ꞌite rō ꞌana i tāꞌana meꞌe haŋa ꞌe he aha te meꞌe riva-riva mo aŋa; ꞌo te haka tere iŋa era ꞌa Mōtē, paꞌi, te haka ꞌite atu.

Rōmano 3:1

Mo ai pē ira, ¿he aha ia te meꞌe riva-riva o te ai he ⌊hūrio⌋ ꞌe o te hore i te kiri o te kinoŋa?

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

Rōmano 9:4

A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

1 Kōrinto 9:17

ꞌĀhani hai manaꞌu mau ꞌā ōꞌoku e aŋa nei, he tano ia mo ꞌauhau mai. ꞌE, mo ai he meꞌe mau ꞌā ꞌāꞌaku mo aŋa, e haꞌatura ꞌana ia a au ki te meꞌe kī mai e te ꞌAtua.

2 Kōrinto 5:19

Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.

Karatia 2:7

Te meꞌe o rāua i aŋi-aŋi: o te ꞌAtua mau ꞌā i vaꞌai mai i te aŋa he haka ꞌite he oho i te ⌊roŋo riva-riva o ruŋa i a Ietū⌋ ki te nuꞌu taꞌe he hūrio, pa he vaꞌai iŋa era ꞌā ki a Pētero mo haka ꞌite mo oho i te roŋo nei ki te hūrio.

1 Timoteo 6:20

E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

ꞌEvereo 5:12

A kōrua ko haka moe nō mai era ꞌā i te manaꞌu ꞌi ruŋa i a Ietū. ꞌO ira, te tano mau: e hāpī kōrua i te rua. Ka ai atu pē ira, ko te ai iŋa ꞌana kōrua pa he nuꞌu e hāpī haka ꞌou i te meꞌe taꞌe aŋarahi mo aŋi-aŋi o ruŋa i te ꞌAtua. E tuꞌu rō ꞌana kōrua pa he ŋā poki poreko iho ꞌomo-ꞌomo ū taꞌe ꞌite mo kai i te kai paka-paka.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».