Rōmano 3:10 - Rapa Nui

¹⁰ Pē nei e kī ena ꞌi ruŋa i te Pāpaꞌi Moꞌa: «ꞌIna e tahi kope tano ki te mata o te ꞌAtua.

Rōmano 3:10 ပူးပေါင်းရင်းမြစ်များ

Māteo 15:19

Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Marko 10:18

He pāhono e Ietū: —¿He aha koe e kī mai ena he taŋata riva a au? E tahi mau nō kope riva: he ꞌAtua.

Rōmano 11:8

Pa he meꞌe kī ꞌi ruŋa i te Pāpaꞌi Moꞌa: «Te ꞌAtua i haka hio-hio rō i te rāua manaꞌu; i vaꞌai rō i te mata taꞌe takeꞌa, ꞌe i te tariŋa taꞌe ŋaroꞌa, ꞌe pē nei mau ꞌā a rāua ꞌātā ki ꞌaŋarīnā».

Rōmano 3:11

ꞌIna e tahi kope aŋi-aŋi i te parautiꞌa o ruŋa i a ia. ꞌE ꞌina takoꞌa e tahi kope haŋa hai māhatu mo ꞌite o ruŋa ōꞌona.

Rōmano 3:23

ko hara tahi ꞌana ꞌe ko haka tapa tahi ꞌana mai te ara haŋa e ia mo rāua.

Rōmano 3:4

Taꞌe pē ira. Te ꞌAtua e aŋa ena i tāꞌana meꞌe taꞌatoꞌa hai parautiꞌa, ka ai atu he reo-reo nō te aŋa o te taŋata taꞌatoꞌa. ꞌE nā ꞌi ruŋa i te ⌊Pāpaꞌi Moꞌa⌋ e kī ena mo te ꞌAtua: «E kī rō e te taŋata: taꞌa vānaŋa he parautiꞌa ꞌe, ꞌi te hora o te ture, i a koe te rē».

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

1 Pētero 1:16

Pē nei e kī ena ꞌi ruŋa i te ⌊Pāpaꞌi Moꞌa⌋: «E ai kōrua he nuꞌu ꞌina e tahi hape, pē au ꞌā».

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.