Rōmano 2:8 - Rapa Nui

⁸ ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

Rōmano 2:8 ပူးပေါင်းရင်းမြစ်များ

Rōmano 1:18

Mai te raŋi ꞌā te ꞌAtua e haka ꞌite mai ena i tōꞌona riri mo te taŋata aŋa i te meꞌe taꞌe tano, he nuꞌu hai meꞌe taꞌe tano aŋa e rāua e naꞌa ena i te parautiꞌa ꞌo ꞌite e te taŋata.

Rōmano 10:16

Ka ai atu pē ira, taꞌe taꞌatoꞌa taŋata e haŋa rō ꞌā ki te roŋo riva-riva o te ꞌAtua. Pa he meꞌe kī e te perofeta era ko ꞌItaia: «E te ꞌAtua, nuꞌu taꞌe rahi te nuꞌu haka noho i te rāua manaꞌu ꞌi ruŋa i te meꞌe haka ꞌite e mātou».

Rōmano 15:18

Ka ai atu pē ira, tāꞌaku meꞌe nō mo ꞌaꞌamu atu he meꞌe i aŋa e te ⌊Kiritō⌋ mo haꞌatura o te nuꞌu taꞌe he hūrio ki te ꞌAtua hai meꞌe kī ꞌe aŋa e au,

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

1 Kōrinto 11:16

Mo manaꞌu o te kope e tahi e hape rō ꞌana tāꞌaku meꞌe vānaŋa atu ena, he kī atu a au: he meꞌe nei te meꞌe hāpī e mātou e te ⌊ꞌāpōtoro⌋, ꞌe he meꞌe maꞌu e te nuꞌu haka moe i te manaꞌu ꞌi ruŋa i a Ietū ꞌi te kona taꞌatoꞌa.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Fīripo 1:17

Tū nuꞌu mākota ena taꞌe hai māhatu e haka ꞌite ena o ruŋa i a Ietū, hai haŋa mo ai ko rāua te raꞌe ꞌe mo haka ꞌati i a au hora nei ōꞌoku ꞌi roto i te hare maꞌuꞌaurī.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

2 Tētārōnika 1:8

Ka tuꞌu mai ena mo haka ūtuꞌa i te nuꞌu hārui hai tuaꞌivi i te ꞌAtua ꞌe taꞌe haꞌatura ki te roŋo riva-riva o ruŋa o Ietū, Pūꞌoko Haka Tere o tātou.

Tito 3:9

E Tito, ꞌina koe ko haka māuꞌa tuꞌu hora ki te tātake tahaŋa o ruŋa i te hakaara tupuna ꞌe o ruŋa i te ⌊haka tere iŋa era ꞌa Mōtē⌋; ꞌina, paꞌi, e tahi meꞌe riva-riva mo ravaꞌa.

ꞌEvereo 10:27

Te meꞌe toe nō mo tātou he ture taparahi-taꞌata o te ꞌAtua, ꞌe he ahi pūai haka ūtuꞌa i te nuꞌu hārui i te ꞌAtua hai tuaꞌivi.

ꞌEvereo 11:8

He haka moe o ⌊ꞌAparahama⌋ i te manaꞌu ꞌi ruŋa i te ꞌAtua i haꞌatura ai, ꞌe i eꞌa i oho ai mai tōꞌona kāiŋa hora kī era e te ꞌAtua mo oho ki te henua vaꞌai mo rāua, ka ai atu ꞌina kai ꞌite hia ki hē a ia ka oho era.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

Tanatiako 3:16

Te kona ai o te nou-nou, ꞌe o te haŋa mo raꞌe ꞌi te meꞌe taꞌatoꞌa, ꞌi ira e ai ena te mira-mira ꞌe rauhuru atu meꞌe taꞌe tano.

1 Pētero 3:1

ꞌE a kōrua, e te ŋā viꞌe ⌊hāipo-ipo⌋ ē, e haꞌatura ki te kōrua kenu, ka ai atu he kenu taꞌe ⌊haka moe i te manaꞌu⌋ ꞌi ruŋa i te ⌊roŋo riva-riva o ruŋa i a Ietū⌋. Mo aŋa o kōrua pē ira, he huri pēaha te manaꞌu, ꞌe he haka moe takoꞌa i tōꞌona manaꞌu ꞌi ruŋa i a Ietū, ꞌe taꞌe ꞌō ꞌo te meꞌe i kī e kōrua, ꞌo te takeꞌa i te kōrua noho iŋa tano, noho iŋa moꞌa ꞌe haꞌatura ki te ꞌAtua.

1 Pētero 4:17

Nā ko tuꞌu mai ꞌana te hora mo haꞌamata o te ture, ꞌe ka haꞌamata ena a te huaꞌai o te ꞌAtua. ꞌE mo haꞌamata o te ture mai i a tātou, ¿pē hē ia te hopeꞌa raꞌa o te nuꞌu ꞌina he haꞌatura ki te ⌊roŋo riva-riva o te ꞌAtua⌋?

Meꞌe Haka Takeꞌa 14:10

e unu rō i te ꞌava taꞌe ꞌānoꞌi o te ꞌAtua, te auraꞌa, e haka ūtuꞌa rō e te ꞌAtua hai ūtuꞌa taparahi-taꞌata. ꞌE ꞌi muꞌa o te merahi ꞌe o te Māmoe e haka māui-ui rō e te ꞌAtua hai ahi ꞌe hai azufre.

Meꞌe Haka Takeꞌa 16:19

Te kona nui-nui ena ko ⌊Vāvīrōnia⌋ ko ꞌāvahi ꞌana e toru pāꞌiŋa, ꞌe ko mārere-rere tahi ꞌana te kona noho taŋata taꞌatoꞌa o te ao. Te ꞌAtua kai haka rehu i te hara o te nuꞌu o Vāvīrōnia; ko haka unu ꞌana hai vino o tōꞌona riri taparahi-taꞌata.