Rōmano 2:5 - Rapa Nui

⁵ ꞌE, ꞌi tuꞌu pūꞌoko hio-hio, ꞌina koe he huri i tuꞌu manaꞌu ki te ꞌAtua. Nā koe e haꞌaputu e oho ꞌana i te riri o te ꞌAtua mōꞌou mo te mahana o te haka ūtuꞌa, he mahana mo tuꞌu mai ōꞌona mo kī i te ūtuꞌa tano mo te taŋata hara taꞌatoꞌa.

Rōmano 2:5 ပူးပေါင်းရင်းမြစ်များ

Rōmano 1:18

Mai te raŋi ꞌā te ꞌAtua e haka ꞌite mai ena i tōꞌona riri mo te taŋata aŋa i te meꞌe taꞌe tano, he nuꞌu hai meꞌe taꞌe tano aŋa e rāua e naꞌa ena i te parautiꞌa ꞌo ꞌite e te taŋata.

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

2 Tētārōnika 1:5

Hai haꞌaoromaꞌi iŋa o kōrua i te meꞌe taꞌatoꞌa ena, e ꞌite nei a mātou: a kōrua ko haka moe mau ꞌana i te manaꞌu ꞌi ruŋa i a Ietū ꞌe he nuꞌu mau ꞌā ꞌāꞌana. ꞌE, ꞌi te ꞌite o tātou pē nei ē: te ꞌAtua, he ꞌAtua aŋa i te meꞌe tī-tika, e ꞌite takoꞌa nei: pe muꞌa ka oho ena, e aŋa takoꞌa rō te ꞌAtua i te ŋā meꞌe nei: e kī rō he nuꞌu tano kōrua mo noho, ꞌina he hopeꞌa raꞌa, ꞌi tōꞌona kona haka tere, ꞌo te haka moe i te manaꞌu ꞌi ruŋa i a Ietū,

ꞌEvereo 3:13

Te meꞌe mo aŋa paurō te mahana mai ora ꞌā kōrua, he hatu ki te rua mo haka noho mo oho i te manaꞌu ꞌi ruŋa i te ꞌAtua, ꞌo reo-reo atu e te hara, ꞌo hio-hio te māhatu, ꞌo taꞌe haŋa haka ꞌou mo haꞌatura ki a ia.

ꞌEvereo 3:15

ꞌO ira e kī ena: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua, ꞌina ko haka hio-hio te kōrua manaꞌu pa he nuꞌu taꞌe haꞌatura era ki a ia».

ꞌEvereo 4:7

ꞌO ira te ꞌAtua i vaꞌai haka ꞌou mai ai i te mahana mo oꞌo ki roto, ꞌe rā mahana ko ꞌaŋarīnā. I haka ꞌite mai ai hai meꞌe kī e ⌊Tāvita⌋ ꞌi ruŋa i te Pāpaꞌi Moꞌa ko rahi atu ꞌā te matahiti mai te noho iŋa o rā nuꞌu ꞌite raꞌe era, he meꞌe haka ꞌite atu era e au pē nei ē: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua, ꞌina ko haka hio-hio te manaꞌu».

Tanatiako 5:3

Te kōrua meꞌe piru ko para tahi ꞌana, ꞌe he mataꞌite te para o te kōrua nou-nou. ꞌE ꞌi te nou-nou o kōrua ka haka ūtuꞌa atu ena e te ꞌAtua, pa he kai iŋa ena e te para i te ꞌaurī, ꞌe pa he vera iŋa ena o te meꞌe ꞌi te ahi. Ko haꞌaputu ꞌana, paꞌi, kōrua i te taoꞌa ꞌi te ŋā mahana nei, he mahana hopeꞌa.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 2:21

I vaꞌai rō au i te hora mo huri o tōꞌona manaꞌu ki te ꞌAtua ꞌe ꞌina kai haŋa, ꞌe kai haŋa takoꞌa mo haka rē i tāꞌana meꞌe aŋa he moe i te kenu taꞌe ꞌāꞌana.

Meꞌe Haka Takeꞌa 6:17

Ko tuꞌu mai ꞌana, paꞌi, te mahana o te haka ūtuꞌa, ꞌe ꞌina e tahi kope mo haꞌaoromaꞌi».